比初戀傷害過而變成一個Player: 老豆母要同樂儀共進餐

當我苦惱緊同樂儀食咩既時候。
「走過了橫街，經過這門牌」

：喂？咩事呀媽子。

媽子：你老豆今日番黎食飯呀，你記住七點半好番黎呀。

：但係，我約左Fd食喎....

媽子：帶埋佢上黎食囉，但幾多個先？



：一個呀...

媽子：咁得啦。

：女仔黎...

媽子：都得呀，有咩問題？

：你地唔好誤會喎。



媽子：得啦，唔講住，快啲番黎呀。

但係第一次見，就叫人上黎食飯，會唔會當我變態架？

：樂儀...

樂儀：做咩呀？

「走過了橫街，經過這門牌」



屌你老母電話多撚過外賣落單。

：喂？咩事呀張生。

老豆：你係邊呀？

：學校附近囉。

老豆：我岩岩過完關渣緊車，本身諗住直接番歸架喇，點知你媽子話你會帶女朋友番黎，我黎兜埋你
啦。

：都話唔係....但我未問佢上唔上黎喎。

老豆：你得既呀仔，唔講，等等見。



樂儀：做咩呀？

：我老豆今日番香港，我要番去食飯呀..

樂儀：咁唔緊要啦...

：但係我媽子話可以上黎食。

樂儀：唔係幾好意思既...

：你ok就得啦，老豆渣緊車黎兜我呀。

樂儀面紅紅咁：咁好啦...



：你熱呀？咁我請你飲包蜜瓜奶啦。

樂儀：好呀。