比初戀傷害過而變成一個Player: 舒適的溫室，這是我的家。

我用完指模開門之後，就諗住剝衫剶褲，唔記得左樂儀黎左。

樂儀：喂也，你做咩除衫呀

媽子聽到樂儀係到嗌，出黎睇咩事。

見到除剩底衫褲既我，就跑過去攬住樂儀罵我
：嚇親人喇你，快啲著番衫啦，叫你平時係屋企唔好慣左除衫走黎走去。

：樂儀，Sorry 呀。



樂儀：冇野，....不過岩先真係嚇親我，冇諗過咁快。

：咁快咩？

樂儀又面紅講：冇野喇

我就見到媽子對住我笑咁入廚房。
究竟發生咩事，我一頭霧水喎？



媽子準備好曬啲野，老豆就番到黎。
今日都相當好餸，四餸一湯。

媽子好鐘意食飯傾計：樂儀你校章同呀仔唔同既。

樂儀：係呀，唔同校丫嘛。

媽子：咁你地點識架？

樂儀：學校既一啲活動囉，今日先識架咋，我負責教佢野。



媽子：乜上到中學啲野難好多架咩？呀仔小學明明都ok架喎。

樂儀：佢懶姐，我會教佢同督促佢架喇。

媽子：咁唔該曬你喇，得閒咪多啲上黎食飯囉。

樂儀：好呀，今日打擾曬喇，我夠鐘番去喇。

媽子：好啦，呀仔你送人啦

：恩

樂儀：拜拜uncle auntie.