芷欣離開後,我拜託老爸,找到了芷欣daddy的電話號碼。

[喂?]他說
[uncle你好,我係樂祈,我問老爸拎咗你電話。]我說
[係你呀樂仔,有咩事?]他說
[芷欣佢唔見咗。]我說
[唔見咗!點解呀!]他很激動
[放心,佢聯絡咗我,話晏啲會返嚟。]我說
[咁就好啦……]他放鬆起來
[點解要放佢飛機?]我直接發問


[…因為公司臨時有急事,我都無辦法。]他說

無辦法?這個答案,點起了我心底暗處的憤怒。

[咩係無辦法?…無辦法就可以咁對佢?!]我的聲音帶有怒意。
[有好多野你地重細唔明白。]他說
[我係唔明!但我知道依家既佢好傷心!]我大怒
[夠啦!依啲係我地既家事!你知啲咩!]他大叫

我唔知?這句說話一出,我的怒火終於忍無可忍!到底芷欣對他來說到底算是甚麼!想到這裏我終於控制不了自己!



[你個仆……]在我說話之際
[你以為我想咁對佢咩!]他說
[吓?…]我呆了一下
[我係佢daddy,我當然知道佢唔開心,但係,作為一間公司既老闆,我同樣要去為員工既生活負責。我無可能因為我既原因,連累到其他人…芷欣mummy早走,我又要去做野,所以我好清楚我比唔到快樂佢……我係個唔合格既daddy…但,我依然愛佢。所以我只可以用另一種方法俾愛佢,就係你。]他說
[我?]我不解
[我知你可以代替我係佢身邊俾愛佢,照顧佢。所以我至要你地同居… 唔係你以為呢個年代,仲有人會為咗還債賣自己個女咩。]他說

聽著他的剖白,我明白到~這個人其實是從心底裏愛著芷欣~只是,方法用錯而已~



[uncle,愛係唔可以代替既野尼~而佢最想得到既,係你既關心。你知唔知,佢聽到你要約佢個時,佢笑得幾開心~~所以係呢一刻,佢最需要嘅人依然係你~~]我說
[…………]他不出聲
[你都希望佢開心傢嗎~]我說
[但係……都係算啦…]他說
[都一把年紀啦!唔好逃避得唔得呀!]我大叫
[…………]他不出聲
[總之交畀我,我會帶佢返嚟,uncle你就去今日book咗枱間餐廳等啦!就咁啦。]我不等他回應,掛斷電話。然後跑了出去。

在電話的另一邊,他依然猶豫著,到底要不要聽少年的話出去赴約?就在此時。

[老闆,B&C公司既翕生要今晚搞定份合約。]

……………………………………

掛斷電話後,我立刻跑出屋外尋找芷欣,可是,她到底跑到那裏?從剛才開始,她就不回我訊息,根本沒有頭緒……然後在奔跑之際。



[鳴……鳴……]哭泣聲

在身旁傳出陣陣的哭泣聲, 我停下腳步,並沿著聲音源頭,來到小公園……找到了。

[鳴……鳴……]她坐在公園旁邊的石櫈哭著

我慢慢步近,靜靜地坐在她身旁~~過一會兒,她終於發現了我。

[我米講咗,晏啲會返嚟囉…]她抹著淚水說
[…………]我不回答
[你到底走呢做咩……]她說
[…………]我不回答
[喂!……夠啦!]她想離開
[我叫咗uncle係餐廳到等你。]我說


[吓?…]她愕然
[所以,你快啲同我執番好個樣。]我說
[佢唔會尼㗎…佢心裏面根本無我……]她低下頭說
[唔係囉!]我站起來
[其實佢好著緊你㗎。]我說
[算吧啦!我好清楚,佢成個腦係得間公司,邊度有我……]她說,然後再次流淚……

我走到她面前,摸摸她的頭。

[你重好鍾意你daddy係米。]我說
[吓?]她看着我
[答我。]我說
[嗯…]她回應
[既然鍾意就去見佢啦~~]我用手抹去她的眼淚
[但係……]她說


[相信我~好唔好~~]我說
[嗯~]她點頭

……………………………………

在餐廳門外,少女不斷徘徊著,心理的不安感不斷騷擾着她。她已經在門外等了很久,但,依然等不到他的出現……他,再一次背叛了她的信任……少女失望而去。

[欣!]

少女轉身回看,一個滿頭大汗穿著西裝的人,向自己奔跑過來。

[哈!哈!哈!………]他喘著氣
[你去咗邊?]她問
[我要交帶好啲野先……]他說
[………]她低下頭


[對唔住…乖女……]他說
[吓?]她愕然
[我係個失敗既daddy, 一直都冇好好咁關心過你,但係,你可唔可以俾多次機會daddy?等我補償番比你。]他說

她笑了一下,然後說 [講過要算數㗎~]接著,兩人就這樣相擁著~~

……………………………………

餐廳內,兩父女談天說地,把一直積存在心底裏的話,一次過盡訴出嚟。

[daddy~依到有cheesecake賣呀~]她說
[你鍾意食cheesecake呀?]他問
[唔係我~係佢鍾意~]她說
[樂仔?]他問
[嗯~佢好鐘意芝士~]她說

他想了想,然後說

[我個寶貝女有鍾意既人啦]他說
[daddy!你亂講啲咩……]她說
[我係你daddy,你諗啲咩我點會唔知~]他說
[樂仔唔錯既,交你俾佢我好放心~]他再說
[…………]她面紅的低下頭
[我睇得出佢好為你,daddy會坐到係到,都係多得佢~]他說
[??]她呆了

[先生你既cheesecake。] 侍應把蛋糕放在枱上

少女慢慢伸手拿起蛋糕。

[daddy我想……]她說
[去佢到啦~乖女~~]他說

然後,少女拿著蛋糕,離開了。

……………………………………


喜歡的話請大家關注下我嘅facebook 專頁同IG
IG:b_g_k_t
facebook : 比之其

感謝