二百尺的同居生活（完）（SP二章更新）: 第三十五章 - 灰燕子戀歌（下）

在某寂靜的房間中，傳來一把男孩的說話聲音。說話的內容說明了他正在跟別人通話中。而在電話的另一邊則是一個女孩

[嘩~新年去旅行，啲機票咁難book…]她說
[機票係老豆啲大客送㗎~依位老爺真係闊綽呀~~突然好想去做佢個仔添~]他的語氣沒有正經可言~
[終於可以去睇隻1比1獨角嘞！好感動呀~~]他裝著哭說
[你就好啦~去日本……]她說
[放心啦~~我會買手信俾你~]他得戚說
[啍！~~不過遲啲我會去美國~可能攞唔到你份手信]她說
[咁等你番尼畀你咪得囉~]他說
[嗯唔，我係移民呀，可能唔番尼㗎。]她說





[…………]

[…………]

[美國好呀！日日炸魚同薯條~你會好幸福㗎~]他說

[…………]

[日日都薯條！想肥死我呀！]她說




[hey~肥咗都一樣咁可愛呀~~hehehe]他說
[咁緊係啦！仲使講嘅！]她回

[…………]

[我要瞓嘞…]她說
[哦~~…byby]他說
[喂！…]她叫
[嗯？咩呀？]他回
[……嗯唔~無野嘞~早頭…]她說





通話，結束……

………………

他從床上醒來，看著眼前的天花板。然後把手從被鋪中伸出抹面。

[你真係……連瞓覺都唔放過我~~……]他冷笑說

突然，身旁的手機響起。他撐起身體，向手機的方向伸手，聯絡人（樂）

[喂？]他說
[做緊咩…]我說
[啱啱瞓醒~ 做咩呀~你掛住我呀？sorry呀我唔搞基㗎~~]他回
[邊個得閒同你搞基……]我回




[咁咩事呀，咁得閒打嚟~]他問

[…………]我兩靜了下來

[灰灰……其實我真係唔明你到底諗緊咩……明明係鐘意又要特登去唔在意……明明係好想尼又要揀唔尼去傷害自己…………]

[樂…我只係一個觀眾尼，由開場嗰刻開始就註定唔會有我份。就算我今日講咗佢知都好…都唔會有改變，仲可能會阻住佢~… 咁所以~ 我地曾經有過開心既回憶就夠㗎喇~~ 哈~ 變到好中二㖭~~] 他說

[如果你真係咁覺得既話…我一定會撐你撐到底，唔會有任何意見，兄弟嘛~ 但係…]
[你頭先同我講嗰句野]
[就算唔係我都聽得出......]

[好假……]

[你個心真係咁唸咩？]





[…………]

[就算係咁…我都係無辦法~~ 因為，我始終都只係個觀眾尼…我無權去鐘意佢…佢亦冇可能接受…]他回
[雖然我唔明你講咩野…但係我覺得]

[愛情，係無分咩野觀唔觀眾。]
[！！]
[只要你真心鍾意佢咪得囉，其他野又有咩所謂~~同埋，你覺得燕子佢…真係晤鍾意你咩？]
[吓？？]
[移民依件事，點解佢邊個都唔講，就淨係話畀你一個知~~ 答案， 好明顯啦~ 佢願意為咗你留低~]

[…………]

[樂……]




[嗯？]
[佢幾點機呀。]

[3:00上機，重有一個鐘，快啲！]

然後，通話就此斷了~~ 我放下手機，面容也如同放下心頭大石一樣放鬆起來，接著~ 一切也會變得順利起來吧~~ 可是…事實又那會這樣順利…

[從青衣開住機場嘅一部列車發生緊急故障，來往機場快綫嘅列車將暫時停止服務……]

[吓！！]我看著聲音的源頭， 一個男人正在看著手機上的即時新聞

我呆站在原地，難得可以令這傢伙醒覺起來，結果還是天意弄人……豈有此理！……難道到此為止了嗎？

當我不斷想著辦法之際，我又想起了另一個人的話……接著，眼睛慢慢看著褲袋……





…………………………

時間逐漸過去，終於到達登機時間。

[我夠鐘走嘞，呀樂師姐~保重嘞~]燕子站起來
[你都要小心身體，知唔知~]芷欣說
[嗯~ 好嘞~ byby~]接著燕子從我兩眼前遠去，我們也轉身準備離開。突然，一部私家車急停在機場外的停車場，他馬上跳出車外跑進大堂，看見他的我馬上興奮起來同時大叫

[前面直去嗰個入口！跑呀！]
[Thx！]他回應接著出力狂奔到入口前

[先生，請問有無登機證？] 保安說
[無呀！唔好阻住！]他試圖強行突破，可惜被在場的保安阻止，他一邊反抗同時一邊大叫著

[杜燕之！你同我番出尼！我有野同你講！出尼！出尼！]
[先生！你再係咁我地報警㗎！]
[放開我！燕子！！]

在眾人在爭執之際，一把聲音暫停了所有人的行動

[喂！]？？

眾人把目光聚焦在她身上，燕子~

[死傻佬！你喺度做乜！]她步近灰灰
[我…啊……呀！你唔係入咗去㗎咩？]他反問
[我買漏咗嘢嘛。]她回
[哦~ 係牙~…]他說
[又話有野同我講？咩呀？]她問
[呀！係…]他深呼吸了一下

[燕子…我…我鍾意你！鍾意咗好耐好耐好耐！所以我真係好鍾意你！]他緊張得把雙眼也合起來

[…………]

[…hehe~~ 邊有人咁表白㗎~哈哈哈~~]她大笑起來
[咪笑啦…]他已害羞得不似人形

[我知呀~ 一早就知~~]她微笑說
[吓？你幾時？？]他回
[你呀~ 都唔識收埋㗎~ 等你平時懶神秘咁~]她再微笑

[……]

[喂~ 點解~ 你會尼既~~]她問
[呀樂話我知你暗示想我尼囉~ ]他說
[吓！原來要人提既…死蠢！哼！]她說

[係…我係嗰死蠢…平時又無尼正經……我的確只係一個傻佬尼……但係！一個咁樣既傻佬依然好想可以去鍾意一個人~ 去鍾意一個對佢嚟講獨一無二既女仔……燕子~]他牽起她的手

[你可唔可做依個女仔~ 去做一個只屬於傻佬嘅傻婆~~]

[…………]

[你係咪真係傻㗎…邊有人會叫自己做傻佬㗎……]她~ 掉下眼淚~ 接著從他心口打了一個小拳~
[哈哈…]他淺笑
[你病到咁嚴重~想唔理你都唔得啦~~]她微笑說

接著灰灰慢慢步近，然後~ 吻下去~~ 而旁邊的我們，則用眼神守候，好好的祝福他們~~ 突然！我又想起了燕子的話……
……………………

[我會呀~我會搵到個比你好100倍既人~]

……………………
我呆看著眼前的二人，心中說了一句話[唔係呀嘛……]

但~ 也對的，他的確是個會100倍愛你的人~~

[好嘞~ 我要走嘞~ ]燕子推開前方的灰灰
[吓？？你唔係唔走咩？？]他問
[邊個話㗎…]她無奈起來
[吓！！]他馬上看過來…兄弟，不要看著我，我只是估一下……

[喂~ 我到咗打俾你啦~~ ]她說
[嗯…] 接著她吻一下他的面，然後~ 真真正正離開了~

…………………………

晚上時間，死人灰又再過來我家黐餐。明明也交到女朋友了還是一樣長不大……唉…燕子，辛苦你了……我看著眼前這個時不時就在傻笑的人…

[收埋你把口啦，核核突突咁笑到…]我說
[我已經要long-D啦，係咪連笑下都唔得先~]他說
[…]我淺笑了一下
[不過呢~ 我個筆就搞掂啦~咁你嗰筆呢 ？]他說
[咩野我個筆？]我回問
[你同藤宮個筆呀~ 今日車我去機場既係佢，咁唔洗問你同佢…]他說
我看看正在廚房洗碗的芷欣
[入房傾…]我說，然後跟他解釋一切


[哦~ 咁真係幾麻煩下~]他說
[呢件事我未同芷欣講…我唔知點處理好…]我說
[其實冇話咩嘅，你想點做咪點做囉，反正佢都話淨係做朋友。]他說
[咁…]我思考中
[不過呢件事真係要小心啲， 如果唔係會好大鑊。 bro~你自己保重啦~]他說，然後離開房間

他離開後，我拿起手機打給敏敏

[喂？]
[喂敏敏？]
[樂樂~ 咩事呀？]
[今日…唔該曬你~ ]
[唔使客氣啦~~]
[同埋呢…]
[嗯？]
[其實…我地都可以做朋友嘅~ ]
[嗯！我好開心呀~]
[咁，聽日見啦。]
[係！~~]

接著通話掛斷了，而在手機的另一邊

[逃がさないわよ…樂樂……]