二百尺的同居生活（完）（SP二章更新）: 第四十一章 - 崩壞
[哈哈~~~ 楽君~ みいつけた~~ 哈哈哈~ ]她邊說邊向我跑過來，然後整個人也趴在我身上。
[嘩嘩！……]因為她的重量關係，使我後退了幾步，好不容易才從拾重心。
[かわいいな~~~楽君~~そうゆう楽君が~私が大好き~~]她醉醺醺地說著，同時從她嘴巴中傳出了一陣熟悉的味道，Jolly shandy的氣味，只是喝杯Jolly shandy就醉成這樣，我非常好奇她的酒量到底有多差呢…… 可是，當前首要的，是照顧好這隻醉貓……
[你做乜飲到咁醉呀。]我用力打算把她扶好
[呀！係喎~~ 要講中文~~ 講中文~~~ ]她繼續說著
[係~係~ 要講中文，唔係我唔識聽㗎。]
[知道樂樂！！hehe~ ]
我把她的手搭到肩上，正打算扶她到客廳中休息。突然，敏敏差錯腳步，我被她連帶地跌到在地上。
[嘩~ 好痛…… ]我看著撞上地板的左手，同時看著面前膝坐著的她
[敏敏你無事呀嘛……]
[…………]她沒有反應
[敏敏？]
[…………]
[樂樂…………]
[點解…… 噚晚你唔錫落尼…… ]
[吓？]
[我明明好期待你錫我…… 你都係一樣想錫我㗎…… 但最後你都係走咗…… 剩低我一個係到…… 我真係……]
她底下頭說着，這一切也是選錯選擇的我所做成…… 她心底裏的哀傷，以及對我和她自身所產生的失望…… 把所有情緒抑壓起來，最後造成了現在這個狀態。從她畢直的話語中，我能感受得到，她最真實的想法。
[樂樂…… 話俾我知……點解你唔錫落尼…… 我想知…… ]她抬頭面向我，用認真的眼神面對我
[…………]
[對唔往……]
[…………]
[哈哈~……答案竟然係對唔往…… 樂樂你……真係……一個…………]她的意識漸漸模糊，終於醉倒了，整個人瞓在地上睡著。
[達達……]
一些雜音從門口傳出，我馬上望向門口方向。難道剛才有人看嗎？我心急得馬上從地板上站起，看著漆黑的走廊…… 同時幾個人影走近著
[樂祈？……你係唔係到呀？]
她們的身影慢慢清晰，是剛剛在客廳中叫我處理垃圾的女同學，還有同樣是留下清潔的幾位女生。我馬上安心下來。
[呀！終於揾到你喇~ 掉垃圾掉咁耐，我仲以為你成個人都掉埋落去~~ ]
[sorry呀… 其實係呀敏佢……]我蹲下拍著在地板熟睡的敏敏
[呀敏！你點呀？]
[做乜會搞成咁㗎……]她們立刻上前扶起她
[應該係飲Jolly shandy飲醉咗。]我回答
[吓……Jolly shandy都飲得醉…… ]她們用難以置信的眼光看著她
[嗯唔………………]無知覺的敏敏吟著
[我地帶咗佢出去休息先啦。]
[嗯！好呀好呀！]接著她們一班女生，合力把敏敏帶出廚房。最後只剩我一個留在此處，為剛剛發生的事情獨自冷靜着……
…………………………
晚上10:00，在清潔好所有地打後，剩餘的所有人也是時候離開。醉倒的敏敏由她的女僕照顧著，我們也得安心離開，因為回程巴士而過了服務時間，故我們一行人逼於無奈地轉乘的士。再次証明，住大屋其實也沒甚麼屁好……
好不容易終於回到中環，進入地鐵站裏，各人正式分道揚鑣。我和芷欣也乘上了前往荃灣的列車回去，可能因為時候已經不早的原因，車上空座多得很，基本上可說是兩人獨佔一列座位。
我望向右旁的芷欣，她已玩得疲倦不堪，眼皮也快要垂下來。
[眼瞓就挨住我瞓一陣先啦~ ]
我擠出肩膊讓她使用，她看一看我，回答
[唔洗喇，我ok。]
[係呀~~ ]
列車繼續行駛，接著，在快將搭正12:00左右，我兩終於回到自宅。看著牆壁上的時間，聖誕還未結束~~ 我從背包拿出一份聖誕禮物，跟剛才party交換禮物時的不同，是一份只為她而準備的禮物~~
[欣~~~ ]
聽到我的呼叫，她停下正在進入睡房的腳步，轉身看我。我也慢步走近，把禮物遞到她面前。
[好彩仲未過12點~~ 聖誕快樂~~ ]
她看著我手上的禮物，思索了一下，接著…………
[我唔要，早頭。]她打算直接回房
[吓？？？係咪份禮物你唔鍾意？定係我做錯啲咩激嬲你？？]我被她的回答弄得不知所措
[唔係… ]她停下來
[呀樂…… ]
[你係咪有啲野瞞住我。 ]
[瞞住你…… 咩呀………… ]
[你同…藤宫同學既事。]
世界，已經停止轉動。這一刻，我能用身上的五感徹底感受到…… 我低下頭回答
[………………]
[我地細個嗰陣一齊玩，係青梅竹馬…… 同埋…… 佢之所以番尼…… 係因為我地以前約定要結婚……所以………… ]
[…………]
[仲有無。]
[…………]
[我尋日……去咗佢度幫手佈置…… 我哋爭啲錫咗……]
[………………………………]四周再次回到一片死靜。久良，芷欣開口
[我知喇…… 早頭。]她重新開始步伐
[但係我最後都無錫到佢！而且好耐之前我都已經拒絕咗佢！我個心一啲都無變到！欣！！]
[………… ]
[所以我先至話唔係…… ]她走到房內再度停下，轉身面對我。
[呀樂…… 你所講既好耐，到底係幾時。]
[佢…轉校過嚟嗰日……]
[咁…… 點解你一直都唔講俾我知……]
[…………]
[我一直都相信呀樂你，從來冇懷疑過你，亦都講過會一直係你身邊支持你…… ]
[但係… 你乜野都無同我講，將所有野收埋係個心到…… 想自己一個去決定，自己一個去解決。然後……將我放埋一邊，由我自己一個，乜野都幫你唔到…………]
…………………………
我……
為甚麼一直也察覺不到…………
[ 如果有咩野事，一定要話我知~ 我會陪住你~ ]…………
[我地講好咗~以後有咩困難都一齊面對~]
[所以~無論點我都會支持你既~]…………
[所以~從今日開始，我都會係你身邊幫你，以後有咩困難都好~我地兩個一齊去面對~~好無？~]…………
…………………………………………
我再也答不上話，連替自己解釋的打算也默默放棄。我已經……一敗塗地。
[我一直都希望可以好似你對我咁樣，係你身邊陪你一齊行，幫你分擔所有野，但係……… 原來所有野……都只係我一廂情願…… 你根本…… 就唔需要我………… ]
她慢慢把房門關上。
[唔係咁㗎！唔係…………]我大叫着，做出最後的掙扎……
[…………]
[呀樂……]
[求下你……]
[唔好令我討厭你…………]
房門終歸關上，一切也結束在這一瞬間……不…………不是這一刻，從我選擇隱瞞敏敏存在這個錯誤的選項開始，一切就已經結束了。接下來的選擇，無論選甚麼也只是跟著錯下去，結局早已註定，全也是我一手造成。我早而把她的心傷害得體無完膚…… 我們的關係還可以收復得來嗎？…… 我不知道，真的不知道…… 這一次，我真的無從入手……因為……
直至房門關上一刻……
她也沒有流下一滴眼淚…………