二百尺的同居生活（完）（SP二章更新）: SP二章 - 幸運禮物

星期日的早上，穿着一身便服的我來到了位於尖沙咀的百樂小館中。走進嘈吵的酒樓，我開始在內四處看著，同時不斷尋找今天約好碰面的人。

[ 喂，樂仔。]

在右邊不遠的位置傳來叫我的聲音，我望向聲音的源頭，終於找到了今天約好的那個人。

[ 師父，依排點呀。]

我邊說邊拉開凳來坐下。





[ 咪又係咁，得閒死唔得閒病。同埋叫返Jeffrey叔叔咪幾好，叫咩師父啫~ ]

他擺出一副從容的笑臉說笑來。

[ 都係一句啫，冇所謂啦~ ]

我淺淺一句，同時對面的他沒好氣的回我。

[ 唉好喇好喇，難得你有時間陪我飲杯茶，快啲叫咗嘢食先啦~ ]





他拿起茶滸替我倒茶，同時我拿起枱上的點餐紙開始點餐。

不一會兒， 一籠籠的點心已經放滿枱上。接著Jeffrey叔叔夾起一件蝦餃到面前再對我說。

[ 樂仔，近排公司生意幾好呀嘛？]

我喝一口茶回他。

[ 啱啱起步，唔蝕唔賺叫做生活到啦~ ]
[ 記住呀樂仔，做製片唔好怕蝕低呀，尤其你新公司冇咩人識，當攞多啲經驗呀。]





他語重心長的對我說，然後我輕輕回他一個淺笑。

[ 我知㗎喇師父，唔洗擔心喎~ ]
[ 你以前成日都答我知㗎啦，最後咪又係撞板~ ]

他沒好氣的說。

[ 不過點都好，加油啦，我會撐你嘅~ ]
[ 放心啦師父。]
[ 就係放心唔落，放心到就唔係你師父啦。]

他說一句，同時我也不好意思的害羞起來。

[ 又係嘅，哈哈~ ]





突然，褲袋中的手機whatapp響起。我看了看然後會心微笑起來。而這窩心的面孔卻被Jeffrey叔叔看了個清楚。

[ 做咩呀？老婆搵你？] 他問。
[ 嗯，sorry呀師父，我要去交人喇。]

我邊說邊收拾身上的東西，同時Jeffrey叔叔一面客氣的回我。

[ 唔緊要啦，下次再陪我飲荼啦。呀！差啲唔記得，恭喜曬。]
[ 多謝，咁我走先喇師父。]
[ 嗯~ ]

接著，我快步離開酒樓便駕車來到跑馬地的養和醫院，把車泊好在停車場後，我來到醫院的一間病房門外。

然後，當我打開房門的一刻，耳朵已經率先聽到那隻小傢伙轟天烈地的哭泣聲。





[ 呀！呀！呀！]

同時，芷欣正努力安撫抱在手上的他。

[ 乖呀，乖呀，唔好喊。]

門口的我，快步走到她們身邊。

[ 喂~ BB，唔好喊喇。]

神奇地，聽到我的話後，嘈吵的他頓時安靜起來。看著眼前這個矇起雙眼的小傢伙，心頭不禁歡天起地。我回看坐在病床上的芷欣。

[ 欣，坐得會唔會唔舒服？ 使唔使幫你較高啲張床？]





接著她搖搖頭回我。

[ 唔會呀，唔洗咁緊張喎~ ]
[ 緊係唔得啦，依家你同BB係最重要㗎！]
[ 哼~ 既然咁重要你又劈低我哋成朝？]

她裝作生氣說。

[ 咁，難得師父約我我又得閒… 唔好嬲我啦。]

接著她可愛的吐了一下小舌回我。

[ 我講小咋，hehe~ ]

[ 呀樂，改個咩嘢名好呀？]





我靜默了一會，接著伸手從芷欣手上接過小傢伙。我凝視著他這不時跳動的小面蛋，接著回望芷欣一眼，微微笑說。

[ 禮幸。]

[ 禮幸？]
[ 嗯，代表個天送畀我哋嘅一份禮物~ ]
[ 係一份只屬於我同你嘅，幸運禮物~ ]
[ 屬於我哋嘅幸運禮物…… ]
[ 欣，你覺得點呀？]

她點點頭，接著喜悅的回我。

[ 嗯，好呀。]

此時，一個護士走進病房中，隨即被我叫停下來。

我把手機交給她後回到芷欣身旁。

[ 做咩呀？]她不解問我。
[ 影張全家幅~ ]我笑說回答。

[ 叱吒！…… ]

………………………………

現在，我正站在睡房中，看著手上拿着的三人全家幅。

「呀幸？」

突然，客廳的初葉走了進來。

「做乜呆咗企係度？」

她不解的問，同時我淺笑回答。

「冇咩嘢呀，夠鐘喇，再唔行遲到㗎喇。」
「嗯。」

接著我把相片重新放好到櫃桶中，然後背起書包，和初葉離開自宅。

＊ 鄭禮幸，姚初葉的故事請瀏覽另一文章「我的幸運物語」