無錯,我就係一個正宗嘅毒撚,毒到無得再毒個隻。



我叫阿城,今年中五,平時最鐘意留係屋企打機,上Facebook,Youtube睇片,同埋......上網識人吹下水啦。
當然啦,好多都係講得幾句,就無再講落去。

主要都係因為好多女仔同我無咩話題好講,始終我係毒撚;


係學校,我唔會點同女仔講野,除非真係有必要;


主要都係同我班好基友天天玩,
但其實係我怕羞仔,唔想被人當係狗公。


相比於現實,我網上大膽過現實,雖然好多人都係,我會主動好多,因為知道網上好多野都係假,就算真係被我溝到條女,So What?
我以前的確係網上識左個女仔,當時每分每秒都係到wts,對話好sweet,但最後都係無出黎見過面,分左手。
我又唔知佢咩樣佢又唔知我咩樣,分左手又無咩野驚。
我從前無諗過網戀會一生一世,直至遇上佢...




 
已有 0 人追稿