妳已被刻在心裡: 第一章----回憶湧現

第一章----回憶湧現

日子每日都在過去，生活亦都每日如常
而時間亦都一直流逝，不會因為任何事而停止
很多人都說「時間可以沖淡一切」
但可惜我與妳的回憶，卻是在時間以外
無論再經過多少年，它依然不會離開
因為它已在我心中留下烙印

生活如常的我，今天仍然要上班


在一間中小型公司當文員的我，經常都會到公司樓下抽煙，藉此抖氣放鬆。
剛好沒煙的我，到了附近的便利店買煙
買完煙從店內走出來後，將煙盒拍打在手掌，為求將煙盒內的煙草凳好「噠、噠、噠、噠、噠」
我從煙盒抽出一支煙，放在口，點火。
呼出一個個煙圈，在我眼前的煙霧慢慢散去
在我眼前，竟出現了妳

估唔到會再見到妳...

記得係三年前的十月，我認識了她。



2014年10月23日
這天，是一個特別的日子，因為全校各級都會有不同的活動。而中五級，會去PMQ元創彷參觀展覽。

老實講，其實我對於這些活動，一直都冇咩特別興趣，因為要專程搭車出去個幾鐘再搭車番學校，實在係太無聊，又晒時間。但無可奈何，這些活動是計算出席率的，所以我不能經常不參與。
所以今日決定留低參與。

「喂，呀鋒，行得未」呀芹係班房門口大叫。感覺佢好似好心急...去醫飽個肚。
「行得喇，行得喇」我隨便敷衍一聲，便轉身離開班房。
呀芹是我由中一已經識嘅朋友，佢龐大嘅身軀，不禁會令人想起胖虎的身型，但佢嘅性格卻同胖虎相反，係一個唔計較，又可愛嘅肥仔。



「食咩好呀…」呀rain , 一臉苦惱的樣子。
「不如食咖哩飯呀！」呀軒，托一托眼鏡說。
「好喎」呀芹同呀駿，異口同聲的說。
「無所謂嘅，都好耐冇食過」已經餓極的我，已經不想再考慮了。

呀駿同呀軒，都係我中學先識嘅好朋友
呀駿高高瘦瘦，樣呢...真係好似益達隻曬駱駝…
呀軒就帶眼鏡，而且係一個小毒毒，仲好鍾意AKB48
而呀rain係我嘅小學同學，咁岩一齊升左上同一間中學。而且係一個幾受女仔歡迎嘅運動健將

而我叫做張誠鋒，今年中五，普普通通嘅男仔。平時會彈結他同打籃球，但一直都未有女朋友，原因係咩，或者係因爲一直都唔夠主動。

於是，決定好食咩嘅我地便馬上去搵位。
好好彩，今日竟然搵到位。因為這間咖哩飯店性價比好高，所以平時好多學生都會黎食。



已經搵好位坐低嘅我地，馬上叫左五個招牌咖哩飯。
「今日臨急臨忙都拎到位，真係好彩」呀芹
呀駿這個時候，就好似蘇民峰上身咁「係囉，話唔定今日有咩特別事發生！」而且仲要扮係屈指一算…
「咁風水佬又算唔算到我幾時識到女仔呀」我苦苦哀求駿爺，雖然都唔會係真，但都陪佢顛下。
呀駿閉上雙眼，屈指一算「天晴，吉日……係今日！」
「超～係唔係呀」我地同聲同氣的說了一聲
「咪係，信你不如食香口膠好過」呀rain邊笑邊說
「唔好食益達啦，飯黎啦，食完仲要番去集隊等上車」呀芹一邊笑一邊流晒口水咁講
全世界都應一聲「係喇」

說時遲那時快，我地已經食完飯番到學校操場集隊。今日天氣亦都唔算特別熱，比着係平時，我地已經唉聲嘆氣。
排好隊後，各班都會有一個外聘的領隊幫我地點人數，並負責一陣參觀的帶領。

就係呢個時候，我遇見了她……



你以為可以忘記她？忘記那段給你無數喜與悲的回憶？不可能！因為它已刻在心裡，一直伴隨自己…



.

歡迎追稿和留言,分享你們的看法
這對我來說是出文的動力!