《揸住水槍打喪屍》: 「你估下我信唔信?」

他先是呆了半秒,接住大吃一驚往後猛縮:「喂喂喂喂!!!!有事好講呀!!」

我把槍追向前:「黑衣人係咩人,黑色洋紫荊又係咩黎,你唔講就以後冇機會講!!」

「痴撚線!!我點知呀..喂,縮開支槍先啦!!喂!!」

「你知唔知我地點入黎,」一想到這傢伙是敵人,我就怒火中燒,憎恨填胸,「我地係靠黑衣人既指紋同密碼先入到黎!」

「咁..咁又點先!等陣,我係呢度返工,唔等於我係黑衣人一份子架!!」





我冷笑一聲:「你地擁有相當權限,你話完全冇關係你估下我信唔信?!」

「我..我...救命呀..我真係唔知...」

我把面容扭曲到最恐怖,因憤怒聲線也沙啞起來:「咁就同我去死啦!!」

「唔好!!!我咩都唔知架啊----!!」

「砰!」槍托砸在金屬的枱腳上,發出噹一下巨響,為防走火當然鎖上了保險掣。





回音在辦公室內激盪,過了幾秒才消散。

他全身抖震住看住我,但我的槍口還沒離開他的頭,他只能高舉兩手不知所措。

這種絕對壓制的感覺還真不錯,特別是他的表情。

「我同你講...」我瞪住他道,「我信你先...」

「多多多..多謝!!」





「我當黑衣人暫時用你唔知既方式操縱住你既公司得到密碼同指紋,依加我要知道晒你公司既資料,有咩人放左數據係你地度....」

「好.我..我可以..講既..」

支支吾吾,看住就不爽!

公司是一間以創新科技為主打,得到香港政府資助的新企業,和某間科學大學合作創立,創立時間不多,華DEE幾乎可以算是開國元老。

這座藍塔也是新落成,難怪這兒看起來也很新穎。

「有咩人或者公司放左數據係你地度?」

「商業機密,無可奉--啊啊唔好大佬!有事慢慢傾!!」

手槍又再壓在他的眉心,只要我手指輕輕用力,這傢伙的頭就飛了。





「我唔同雙雙或者紅姑娘.....我要做到我既目的我咩都唔會理...你最好就講。」

「咪..咪又係個D! 電信公司,搜尋引擎,網購,公營機構,大學.....拿,我冇開名架!!」

都是些普通一般數據中心的客戶。

「公司最近有冇俾人收購?」

「冇聽過呀,我負責技術個邊..IT狗黎架咋...」

高隊長有這兒卡片,一定有甚麼關係...一定有..!!

「我要睇晒D數據,俾你權限黎!」





「你邊有可能睇晒...」

「依加!我!唔!撚!理!」我用槍頂住他的臉,「黑衣人同我,有某種關係,同你,同呢度都係,我要搞清楚!」

「你冇呢個權限,老實講我都冇,我都要我老世出信我先可以LOGIN數據庫...」

這傢伙的頭腦真是完全是一個機械人,面對死亡的威脅也只是程序程序程序!

威脅沒用嗎?

這樣的話...

「咁SEARCH我自己得啦掛!」

「SEARCH....SEARCH自己?」





「我記得自己好少野Only,至少俾我知道我係咩人。自己既資料,我都冇權睇?」

「點會有你既野係入面...」

「政府,搜尋引擎既頁面存檔,有可能有我既野,仲有我救過你咁多次,賣個人情俾我OK?」

我放下手槍。

「咁..咁..」

他動搖了。

「你睇完,有關於我既野先俾我睇,大佬依加出面喪屍末日啊。」





「咁好啦。」

另一邊的屏幕-也就是剛剛他們找到我和雙雙的閉路電視顯示屏幕,顯示紅姑娘和雙雙都在茶水間治療。

華DEE操作住電腦,登入數據中心的系統。

「就咁SEARCH你個名?」

「嗯,無錯。」

「一次咋..一次架咋...」他一邊安慰自己一邊輸入。

我坐到他對面一直等住,天花板下的氣窗傳來雨點叮叮咚咚拍打玻璃的聲音伴住鍵盤的聲音成為空氣中的唯一配樂。

「有..有..」

我馬上站起來走到屏幕前查看!

「唔得.!!你唔睇得架!!」

「死撚開!!」我一手把他從椅子上揪起向辦公室旁擲出,電腦屏幕展現在我眼前--

全部想起來了。

全部!

這世界對我做的事--

-----和我對這世界做的事!

「你..陳一水...原來你...我要同雙雙佢地講...」

「啪!」

硝煙輕輕揚起,辦公室中重歸平靜。

來到這兒,看來我的選擇沒錯。