14.心


「你地都知?」玄為兩人知道戰鬥用納米機械而感到意外



「哼」

友美率先出手,攻向玄既左下方







「噹!」

玄拔出一把短刀,格下友美既刀擊


希路當然唔會旁觀,立刻取glock19手槍對住玄開了三擊





「砰砰砰!!」


「只係三粒子彈,要避卓卓有餘」

子彈射了個空,而玄就彷如瞬間轉移一樣,閃到希路身後


「果然好快,不過....」





玄欲以小刀偷刺希路後背,但希路早已退後數步,避過背刺


而友美就利用時間差,響希路身後瞄準住玄既心臟位置

「砰!!」


即使玄反應比常人快,面對如此等級既合拍性,始終輸蝕

子彈打中玄既左臂



「三個人...都好快呀....」





旁邊觀看既瞳瞳,根本睇唔清楚整場戰鬥




「嗚!」

玄抹抹臂上既鮮血:「哼...你地,唔通就係..吸血鬼」


「無錯...」

友美道:「雖然2打1好唔公平,但係你捉走我地既同伴,我地一定要儘全力解決你」







「嘿....我既任務,就係要帶走呢個女仔」

「執行命令,呢個就係我既唯一價值」

玄既雙眼再次閃起紅光



「你只不邊係一個戰鬥機械,連人最基本既『心』都冇」

希路輕聲道:「小心,佢似乎要認真啦」







玄加快速度,簡直就如消失一樣!



「!!!呢種速度,比我想像中快!」


玄於友美背後出現,揮住小刀直劈下去


「友美小心!」


友美硬生生擋下此刀,但面前下劈攻擊,始終不能支撐太耐






希路馬上拔槍,射向玄

「砰」


玄再次閃過,呢一次就輪到希路

玄以極快既斬速,斬擊希路


「擦!!!」

任希路再快,始終被玄斬中兩刀


「咔!!」

希路危急下,用槍身擋下刀擊


友美趁住玄猛攻希路,以反手刀砍往玄既左腹

「希路!!!!」




「插!!!」

友美既速度較快,成功插中玄



「呀呀!」

希路亦乘住空隙,用小刀刺往玄既胸前


玄急速退後,但已經太遲

兩把小刀刺中玄既致命位置



「.....嗚....仲未完!!!!」

玄依然咬緊牙關,將身體壓下,試下攻擊兩人既盲眼位置


「擦擦擦擦擦擦擦擦擦擦擦」

玄既刀擊非常密集,逼到希路同友美一時退後



「就算死,都要殺死你兩個」


「咁樣...有意思咩?」

希路道:「只係一味跟住命令行事,你仲算係一個人咩?」



「你...收聲呀!」

玄發瘋似的砍往希路


「!!!」

千均一發之際,希路掉走手上既小刀同手槍

以「空手入白刃」夾住玄既小刀!



「咩...咩話?!」

「咁樣,你就走唔甩啦」


旁邊既友美冇絲毫既猶疑,左手取起小刀,捅中玄既心臟!!



「呀.....」

被刺中要害,玄馬上喪失戰鬥能力倒地



躺響地上既玄吐住鮮血,望住瞳瞳

「點解.....」



「我既價值....到底係咩...」




玄慢慢溶化,成為一灘血水



希路望住地上既血水:「死後化成血水,係戰鬥用納米機械既後遺症」



「呼..估唔到戰鬥用納米機械可以咁強,我地兩個都要出咁多力先打得贏」

友美道:「睇黎,你既復仇大計困難重重喎」


「哼,你都未出『果一招』,又點算出左力呀」

希路為瞳瞳解綁:「凌愛瞳,你冇事嗎?」




「無事..唔該....」

瞳瞳望住地上既一灘血水

內心不禁感到哀傷



「你再係咁衝動既話,下次我會同大久保講,唔再比你出黎」

友美扶起瞳瞳:「今次只係捉左你,下次我唔知對方會點樣對你」

「我地...唔係每次都可以救到你」




「.......係...」





「友美小姐...其實,比任何人都要關心身邊既人...」






車上

「咁多位,好....好對唔住!」

瞳瞳低頭向各人鞠躬:「今次,係我衝動,搞到要大家勞師動眾黎救我,對唔住呀!!」


「唔好咁講啦瞳瞳,錯既係我,冇好好咁睇住你」奈央拍拍瞳瞳既肩膀


「人冇事就得啦,可惜既係今次始終阻止唔到對方行動...」

大久保問:「希路,盤唔盤到對面既係咩組織呀?」



「....似乎都係迪拉斯...」希路冷冷道


「我..我頭先比佢地捉住果陣,聽到佢地話黎香港係要解決叛徒」

瞳瞳大膽假設:「唔通,之前既財政司司長同今次既保安局局長....」



「都係迪拉斯既成員」友美搶先回答



「....如果係真既,咁呢個叫迪拉斯既組織真係好恐怖」

大久保道:「大家黎緊行動都要小心d」


「係....」



裝備房內


「友美小姐..」




「做咩事?」友美問

「多謝你..今日救左我」瞳瞳語氣帶住歉意:「每一次發生咩事,都要大家黎救我,真係好對唔住呀」



「....我地係一隊人黎架嘛,救你唔係應該既咩」

友美若有若無地道:「你今日都辛苦啦,今晚返去好好抖下啦」


「....嗯...」


「咁,聽日見啦」




「友...友美小姐!」

瞳瞳叫停正離開既友美


「做咩事呀?」



「我....我想學格鬥術...我想學射擊...友美小姐你...」

瞳瞳一臉不安:「你可唔可以教我呀?」






「.....可以,聽日開始教你丫」


「多...多謝友美小姐!!」
已有 0 人追稿