18.War doll


「出去!」

希路一聲令下,馬上拎住手槍衝出山洞

友美亦拉住瞳瞳走出山洞,緊隨希路







「砰砰砰砰!!!!!!!」

各方既槍手一見到三人,馬上開火追擊


「!!!!」

響吸血鬼眼中,此等子彈既速度就如螞蟻一樣





希路同友美憑住吸血鬼既力量,將子彈全數避過


兩人響迴避子彈既同時,亦用手槍反擊

以兩人既超級視力,只需一發子彈,就可以將迪拉斯既槍手擊倒


兩人隨手執起一把步槍帶住瞳瞳躲入石柱後






「殺左幾多個?」希路問

「5個」友美將步槍上膛


「一樣」

「咁...再黎啦」


兩人分別從兩邊石柱再度出擊

不停射殺前方既槍手






「砰砰!砰砰砰砰!!!」



「我支步槍無哂子彈啦」希路將步槍掉開,拎出手槍同小刀:「友美你掩護我」

「明白」


希路拔足衝出石柱

前方既十幾個槍手發瘋一樣對佢亂槍掃射






希路使出超高速既步法,將子彈全數避過

再加上友美既子彈掩護下,希路輕鬆地殺到敵陣


「哼」

槍手意料不到希路驚人既速度,均未有準備近身戰

逐一被希路割喉



「啊!!!!Kill him!!!!!!」





另一方既槍手們亦對住希路射擊


希路不慌不忙,舉起腳下死去既槍手作肉盾

再乘機用手槍射擊


射中數名槍手後,希路繼續利用肉盾推進

同時友美也發揮其狙擊手既本色,遠距離殺掉高處既幾個狙擊手,讓希路無後顧之憂


「嘭!!!」「嘭!!!」「嘭!!!」





剩下既十幾名槍手們開始使用手榴彈攻擊,擲向希路


希路將肉盾拋開,故意躲入濃煙中

此舉令眾槍手難以鎖定佢既位置


但希路卻將佢地睇得非常清楚

逐槍逐槍將佢地擊倒


餘下既槍手只剩低一人

希路繞到佢後面,用槍要脅住佢

「講,迪拉斯仲有冇其他人馬?」


「嘿....就算你地殺哂我地,都仲要打果兩隻怪物呀!」槍手忽然發瘋:「你地班吸血鬼唔會係佢既對手黎架,哈哈哈!!!!」


「砰!!」希路二話不說就將佢射殺


「怪物...?」




「希路...無事丫嘛」友美帶住瞳瞳從石柱後走出黎

「無事」



「颯颯颯.....」

霎時間,山谷四周佈滿風沙

連太陽都被遮蓋




「發....發生咩事呀....」不安既瞳瞳問



「希路,唔通就係...」友美若有所知地問


「睇黎...佢地就係迪拉斯口中既怪物」



兩個黑影響風沙中跳出,於山谷正中落地


皮膚如死灰色,雙眼發綠光,全身似肉身又似機械一般

臉中目無表情,極度恐怖


「果然無估錯,係war doll」

希路解釋:「war doll係迪拉斯既一項計劃,同戰鬥用納米機械唔同,war doll完全無自主控制能力」

「佢地只會接近命令,作出攻擊..更重要既係,佢地移動速度極快,仲可以隱藏於風沙之中」



「但係...佢地係...人黎?」瞳瞳問


「無錯,佢地大多數都係死囚黎,迪拉斯就利用呢點黎進行呢個計劃」

友美道:「war doll再配合戰鬥用納米機械,迪拉斯就可以有無限既士兵」



「!!!」

兩名war doll發現三人


「只要war doll發現目標,就無任何野阻止到佢,除非...目標被消滅,又或者自己被消滅」



「吼!!!!!」

war doll忽然發出吼聲



「瞳瞳,走開!」友美用頗大既力將瞳瞳推開



「登!!!!」

war doll各自持刀揮向兩人,兩人及時拔出小刀擋下


「war doll既速度...同我地一樣咁快!」


「颯!」

war doll又再消失於沙暴之中


「小心,war doll最鐘意將自己隱藏響沙之中偷襲」


「颯!!!!」

war doll出現響友美後方,正要揮刀斬下


「噹!!!」友美反手持刀,勉強格下此擊



另一個war doll,目標卻唔係希路同友美!


風沙吹到瞳瞳既邊旁,war doll隨即現身




war doll取出長刀,砍向瞳瞳


「凌愛瞳!!小心!!!」

希路飛撲過去瞳瞳處,成功將瞳瞳抱開,避過致命一擊

但同時,後背亦被war doll既刀斬傷



「希路先生!!!!」

「希路!!!」


友美馬上閃到兩人前,將war doll擋開


「希路先生!!你無事丫嘛」瞳瞳望住希路既傷勢:「你...流左好多血呀!」


「無事.........」希路痛苦地站起


「希路,你休息下先啦」

友美苦笑道:「呢種傷,你過一陣就無事架啦」



友美轉身,面對住兩個war doll,道:「瞳瞳你帶希路喱埋先」



「友美小姐....唔通你諗住....」


「無錯」

友美將右手拇指放到嘴前:「就即管睇下,我快d定係你地呢班木偶快d啦」


「哼,估唔到你都係要用呢招」

希路道:「提升自己速度三倍,吸血鬼.....既必殺技」
已有 0 人追稿