【英雄系列5】天使與吸血鬼: 23

23.寂靜之夜


「呃！！！！」

兩人騎住白馬，衝入人群之中


「嘩，痴線架！」





「小心呀，fuck you！」

市民馬上四處走避，生怕被白馬所傷



「凌愛瞳，握實」

希路將瞳瞳既手捉住韁繩:「睇黎，我地要靠呢隻馬去達納爾山莊」







白馬直奔，跑出市場


「真...真係架？」瞳瞳問:


希路道:「揸車，先係最易比人跟蹤」








「呃！！！！！！」

三架裝甲車從後衝出，追住白馬



「弊啦，佢地追到黎啦...點算呀！？」瞳瞳慌亂大叫



「凌愛瞳，隻馬依家交比你控制，敵人就由我黎解決」






「吓...咪住...呀！！！」


希路鬆開手，拔出雙槍，做好作戰準備



提住雙槍既希路回頭

「砰！砰！砰！」

三粒子彈射往裝甲車既車窗，卻未能射碎







「可惡，係防彈玻璃」希路道:「不過，佢地響鬧市都係唔敢用機槍呢種武器」


果然，三架裝甲車都只係一直跟住，未有開火


「踏踏踏踏踏踏！！！！！」

白馬於瞳瞳同希路既控制下，一直全速前進



「都算騎得唔錯丫，不過...」





希路望住前方既公路:「出左市中心，後面果三架裝甲車一定唔會輕易放過我地」



白馬率先跑上公路，跟裝甲車群尚有數百米距離


「唯有咁做啦...」

希路對住後方街道四道既消防栓射擊


「隆！！！！！」

洪水隨即噴出






水柱令四周既車輛急停，交通一片混亂

兩架裝甲車被塞住，只能眼白白目送白馬


剩低一架裝甲車，繼續窮追不捨

由於已經脫離市中心範圍，裝甲車車頂既機關槍已經瞄准白馬



「砰砰砰砰砰砰砰！！！！！！！！！」

機關槍如暴風雨一樣掃射



「呢度...睇黎要靠我啦...」

希路重拾韁繩，操縱白馬以之字型行走


白馬完全依照希路既意識跑動，避開掃射

甚至，稱得上為人馬合一



「希...希..希路先生！！！」瞳瞳忽然大叫

「前..前..前面係條斷橋黎架！！！！！」



響兩人面前既，係一條中間斷開既石屎大橋



但希路依然拉住韁繩，命令白馬全速前進



「希路先生...你」瞳瞳對此自殺行為感到詭異 

「放心，會跳架」



「呃！！！！！！」

白馬大叫一聲，一口氣從橋端跳起



「唔好呀呀呀呀呀呀！！！」瞳瞳緊閉雙目，生怕自己墮入萬丈深淵




但事實卻超乎佢既想像


「踏！踏踏踏踏踏」

白馬跨越斷橋，完美地於另一邊落地



希路一邊策騎，一邊回望停響橋邊既裝甲車，道:「依家..至少化解左目前既危險啦」


「希路先生，點解你會識得騎馬既...？」

瞳瞳定過神來，問


「細個學過幾個月」

希路慢慢放開手，任由瞳瞳操縱:「馬係有靈性，只要你同交心，佢就會聽你講」



「係喎..咁，依家我地應該點做呀？」


希路翻開地圖:「依家我地距離目的地仲有，40公里，大概...聽日我地可以去到啦」

「不過....」


「斐南共和國同阿富汗依家正處於緊張局勢，雙方都響邊境佈署左軍隊」

「所以沿途應該會有斐國既軍隊哨站...要小心」


「嗯.....」

瞳瞳點一點頭:「咁...奈央小姐同洛迪古斯...」


「等我地將Archangel交比IID先再算」

「但係...」


希路落馬，打斷瞳瞳既話:「我明白你好急，好想救佢地，但係..我地依家都自身難保」

「有咩事，等我地去到達納爾山莊再講啦」


「....咁好啦」




白馬一直沿住公路邊慢走


「友美果然講得無錯...」

「呃？」



「佢話...你最大既優點，就係善良」

希路道:「你同我地唔同，你識得關心人、識得知道自己既短處」

「呢一點，你已經比我地所有人強得多」


「但係，無力量既話，就咩人都保護唔到...」

瞳瞳有點苦惱:「如果我變得更加強，大家或者...」



「咪話左，唔好怪自己囉..」

希路有點無奈:「我先係...最無用既果個...」


「希路先生....」




兩人一路趕到，直到傍晚...

「大概聽晚之前...我地就可以趕到去達納爾山莊」

希路從一個山邊放低物品:「我地今晚就響呢度休息下啦，可以嗎？」


「嗯...」



荒漠地區一入夜後，氣溫就會急降

希路用火柴及乾樹枝，生了個火


「原來我地今日行左25公里，進度唔錯」

希路一邊食住乾糧，一邊望住地圖

「凌愛瞳，睇黎吸血鬼既能力令你既耐力都有增加到」


「的確係...依家都仲未太攰，而且啲反應真係快左好多呀..」

瞳瞳捧住水樽，低頭道:「如果..返到去既話，我一定要變得更加強..如果唔係，就會浪費左，希路先生既心血」


「嗯，慢慢黎啦」



「希路先生...我可唔可以問你一個問題」瞳瞳轉頭，望住希路問

「咩問題？」




「友美小姐死左，其實...你係好傷心架，係咪呀？」

瞳瞳有點婉轉，問



「....」


「我睇得出，希路先生你...好怪責自己...」

「友美小姐死左之後，你最後..都有幫佢好好安葬」


「所以，你先會聽友美既說話，救我...」




「唔關事，就算友美冇講，我都會救你」

希路飲住清水，道



「咁點解，你由友美小姐死左之後，要不斷責怪自己，話自己係弱者呀？」

瞳瞳帶住歉意:「對...對唔住呀希路先生，只係...我好想知道，希路先生你點解會咁咋」



「.......無錯，我係好內疚」

希路轉身，點起煙:「友美佢係我咁多年既拍擋，感情點都會有」

「而友美為左救我，犧牲左自己，就證明，我無資格做佢既拍檔」


「唔係架！」

瞳瞳大聲叫道:「友美小姐佢...一定唔會咁諗架！」



「你又知？」


「我......我...總之..」

瞳瞳支支吾吾:「我覺得...友美小姐，係一定唔會覺得希路先生你冇用架...」



「嘿，係咩...」

希路吸一口煙，無再說話

「今日都攰架啦，你早啲訓啦」


「.....」

瞳瞳心中不惑:「希路先生對友美小姐既感情...一定好深...但係...」

「點解佢...總係唔想流露出黎...」