已經係下晝嘅兩點幾鐘, 美欣正一面興奮咁同我講, 「我仲諗住今次會攪到好耐添, 點知而家未到三點就已經攪掂哂所有嘅野, 喂強仔, 欣姐今次真係要好好咁多謝吓你, 喂, 我上次同男朋友去過呢度附近果間酒店嘅餐廳度食飯, 果度啲野真係幾正同幾好味架, 咁啦, 今次就等我請你食番餐勁嘅, 就當係報答你成日幫我補習同今次嘅幫忙咁啦!」

講完, 美欣同我就截左一部的士, 坐左大約三四個字車程左右, 跟住我地就去左一間好靚嘅五星級酒店之處, 我跟住美欣入左酒店之內, 上左一樓果間酒店餐廳度, 美欣一坐低就已經係咁點住佢曾經食過果啲話係好正嘅野。

我地坐左響落地玻璃嘅窗邊位置, 玻璃之外, 下面正正就係酒店嘅泳池之處, 咦, 做咩下面好似有啲特別節目攪緊咁嘅, 見有好多人正響度排緊隊報名咁, 我同美欣就開始邊食住野, 邊係咁望住下面泳池啲人群嘅一舉一動。

有個待應生正幫我地斟緊水, 我好奇咁問住佢, 「係呢, 想問吓下面泳池到底響度攪緊啲咩事咁呢?」 

年青待應生笑住咁答我地, 「哦, 今日我地酒店攪左一個特備節目, 凡係我地酒店嘅住客又或者顧客, 只要係一男一女嘅夫婦又或者係情侶關係嘅人, 都可以報名參加呢個水上競技嘅活動節目, 而且冠軍仲可以得到我地酒店今晚嘅免費豪華雙人瀑布泳池房間同酒店自助燭光晚餐添架!」



我同美欣望住笑左一吓, 美欣問住個待應, 「咁我地響呢度餐廳食飯, 咁算唔算係你地酒店嘅顧客呀?」 個待應點一點頭, 「當然算係啦, 不過報名截止時間就到, 妳地想玩就要快啲落去報名架嘞, 呀, 記住要帶埋泳衣先可以參加呢次嘅活動呀!」

美欣又再問, 「咁如果無帶泳衣呢?」 待應好快咁答住, 「咁酒店大堂果啲商舖都有得賣嘅!」

美欣聽完又再望吓泳池下面, 望左一陣, 美欣突然望住我講, 「喂強仔, 我地落唔落去報名玩呀? 原來贏左係會有免費自助晚餐同酒店房架喎!」 

我望住美欣, 「但個待應話…係要夫婦又或者情侶關係嘅人先至玩得過喎!」 美欣瞄一瞄咀咁, 「唓, 咩情侶要有証明嘅咩? 總之係一男一女咪就得囉!」 

「但我地…..」 「點啫強仔, 不如我地就落去玩吓啦, 況且我都無諗住咁早就番去香港, 如果好彩比我地贏到間酒店房嘅話, 我聽朝先番返落去都仲得呀!」



我地好快趣咁食埋啲野, 埋單過後, 美欣真係好快咁就行左落去樓下泳池果度, 跟住我地就真係走去報名參加呢個叫做 “愛, 作戰” 嘅酒店水上競技活動。

報左名後, 美欣又同我好快咁就走去泳池旁邊嘅酒店商場果度去買泳衣同泳褲, 我好快趣就買左條泳褲同短褲著住, 而美欣就仲響入面試身室度試緊泳衣, 等左一陣, 美欣終於都響試身室度行左出黎, 我望住美欣, 啊哦………, 鼻血已噴。 

美欣就正著住呢套新買超性感嘅三點式泳衣行緊過黎, 上截泳衣兩塊小布正剛好勉強可以包裹住佢一半嘅豐滿胸肉, 而下身就係一條縛繩式嘅小三角型泳褲, 我望到有啲呆左咁, 美欣見到我望到佢定哂格咁。

「喂, 點呀? 好唔好睇呀? 不過最衰就係啱啱先食完野, 而家個小腹就有啲肚腩仔凸左出黎咁添!」