食左成晚, 同美欣已經捧住個肚咁坐左響度, 望吓隻錶, 都已經成九點幾鐘, 我地間房規定左要響九點之後先可以入去住, 咁, 而家咪即係已經可以上得房囉。

我同美欣離開左餐廳之後, 跟住再去到大堂經過走廊嘅另一邊, 然後我地好快就到達左傳說響呢間酒店之內唯一一間響房入面係有個獨立瀑布泳池嘅房間度。

拍卡之後, 房門一開, 我同美欣即時齊聲地大叫住, 「嘩……..」

間房豪華就已經不特止, 落地玻璃門外, 果然真係有個瀑布式泳池響房出面, 泳池燈經已著左, 美欣見到咁, 即時同我一齊行左出去平台之處, 「嘩, 真係好靚呀!」

咁嘅環境, 唔使講野, 我同美欣就梗係馬上再換番套泳衣就行出去跳落水度啦, 我地響呢個露天私家泳池度游住水, 果然真係有啲皇帝式嘅享受, 泳池位置正處於酒店嘅背面方向, 四野都唔會有其他嘅窗戶望到呢度, 可以講私隱度係極高嘅。



美欣似乎真係好開心吓咁, 見佢正不斷來來回回咁游住水, 我亦游左一陣水之後, 跟住我就行去呢個瀑布之下, 強勁嘅水柱從上揼住落黎, 果然真係好似有啲比人按摩住嘅感覺咁。

「美欣, 啲水揼到好舒服呀, 妳都過黎試吓啦!」 美欣聽到我咁講, 見佢亦開始響遠處游住過黎, 美欣開始行緊入黎瀑布之處, 「哇, 好痛呀, 不過又真係好舒服呀!」 美欣慢慢咁揼住入黎, 正行到我身旁嘅位置, 兩個人就正並排咁享受住呢種另類按摩嘅感覺。

水聲好大, 我哄個頭埋去美欣嘅耳邊度好大聲咁講, 「喂, 今日我過得真係好開心!」 美欣亦都點住頭咁哄番埋黎大聲回應住, 「係呀, 我都覺得今日好開心呀!」 

沙沙沙沙沙沙 (水聲) ……, 我再大聲話, 「下晝果陣, 我聽到話要錫嘅時候, 其實…我真係想爬番上池度唔玩架, 但估唔到……」。

我再大聲講住, 「妳鍚我果陣, 其實我真係當左妳係我女朋友……」 水聲依然好大, 美欣好似聽唔到我講咩咁, 「咩話, 我聽唔到你講啲咩呀…」 



我哄個頭埋去美欣耳邊度再講一次, 「我話下晝妳錫我果陣, 我真係當左妳係我女朋友, 果陣時我真係唔想個比賽咁快就要開始!」

美欣聽到之後無出到聲, 沙沙沙沙 (水聲)……, 又揼左一陣, 美欣就同我講, 「強仔, 你話如果我唔係你家姐個同學, 而我又唔係大過你嘅話, 我估我都會揀你做我嘅男朋友, 不過…..」

美欣有啲欲言又止咁, 「不過…強仔, 我都估唔到我地下晝會係咁樣, 但…其實…你都已經唔係細路仔, 而且你同你女朋友都有試過架啦, 所以…我估…都唔會話係咁尷尬嘅啫!」

「美欣姐….」 我瞄吓身邊嘅美欣, 見佢深深嘅乳溝位置正不斷急促起伏住, 但我何嘗又唔係正在心跳加速住咁呢。 

美欣亦望吓我, 「強仔…今日嘅事你千祈唔好同你家姐講番, 我唔想到時響佢面前會覺得尷尬呀!」 我點住頭。



隔左一陣, 我又再度開口講, 「美欣姐, 我想….唔知可唔可以…比我…再…再…再錫多妳一次呢?」美欣正在低住頭, 但我都唔知究竟佢係聽唔聽到。 

兩個人正靜左落黎, 水柱依然繼續打住我地, 我正好緊張咁等待住, 而美欣仍仲係無咩動靜咁, 唉, 睇黎都係算吧啦。 


企多一陣, 突然, 「強仔…」美欣居然過黎箍住我頸黎鍚住我, 四唇正在緊貼住, 錫左一陣, 我索性將美欣成個人打橫抱起, 兩個人正響瀑布之下錫到已經進入忘我嘅境界當中。