不甘 喜歡 愛 還是習慣?

我叫阿寶

我係一個浮浮沉沉既90後 讀書只係到中五畢業

無目標無理想 每一日只係返工放工打機飲酒賭錢

18歲出黎做野 返工無一份工係多過一年  因為覺得悶就會轉地方

其實我係一個廚師 做西餐既 不過係香港呢個地方 一般都被稱為廚房佬



曾經跟過一個師傅同我講過一句 嫖賭飲盪吹 學哂唔會衰 可能呢個就係被人標籤左既原因啦

我自己就鍾意飲同賭 我好飲得?唔算 不過唔會好易收皮

我好賭得?試過一出糧將成份糧買哂落一場波度 

係香港呢個地方 其實都搵唔到咩生存方向 儲錢買樓 無諗過

我情願年年有錢去下旅行 去吃喝玩樂 BTW我由細到大係一個沉默寡言 唔鍾意交際既人



到左出做黎做野先開始多野講 所以我係中學係無拍過拖 出黎做野先識溝女

到開始識點溝女 就一齊個零月 3個月 最長個個有一年 直到遇到我個EX

佢改變左我好多 我未遇到一個女仔 原來可以咁單純 

但原來到最尾人點都會有成長既一刻 仲未成熟既都係我自己..