【介紹返，我女朋友有七種人格】<痴線治癒 x 浪漫搞笑系列>: 前言

早排單PTGF 事件搞到滿城風雨，男仔就懷疑自己條女畀綠帽自己載，女仔就懷疑自己男朋友係雞蟲。👒🐥

喺度我想同大家講一個盡全力為對方付出嘅純愛故事。💑👫

你仲相信愛情嘅，歡迎你幫我share 呢個故出去，等我繼續寫落去。🤗

富奸就呃你十年八載，但我保證呢個故唔會爛尾。

故事要由我識咗個痴線嘅女仔講起......



==============================

前言

是咁的，我叫江譽琦，典型80後廢青，是一個平凡打工仔，在媒體公司仼職Marketing Executive，心願是成為著名小說家，將熱血、正義，希望通通貫進讀者的腦海裏。

九把刀有曰：「說出來會被嘲笑的夢想，才有實踐的價值。即使跌倒了，姿勢也會非常豪邁。」讓我們一起努力戰鬥吧！

我和大部份香港人一樣，正在盡力對抗社會洪流，拼命求存。



不過，有一樣嘢我比人哋特別，就係......

我有一個患有解離性身份障礙的女朋友，亦即是多重人格患者。她的身軀藏著七個靈魂，七種性情。

還是不太了解這個病，唔太get？欲知更多詳情可以閱讀24個比利，或觀看動畫幽遊白書的仙水篇，亦可選擇讀完我這篇愛情傳記。

「你條女癡線㗎！點解仲要同佢一齊呀？」我身邊大概每個朋友都曾經問過我同一個問題。

如果沒有遇上宋初晴，我應該可以交一個平凡一點的女朋友，然後在30歲前結婚，過著幸福安逸的生活。



那我就不需要害怕女朋友會自殘、不需要阻止她傷害別人、不需要擔心自己變成綠帽俠，更不需要提防自己會在某一天被愛人殺害。

一生之中總會有個moment，你會義無反顧地喜歡上某一個人。你無法解釋你為何會戀上她。原因是甚麼呢？

或許原因是「沒有嘗試過的人生，我都想嘗試一下。」然後你豪邁地出手，大聲說：「我來追！」

當然，原因也可以純粹是因為愛呀，哈利！愛係冇得解㗎！

謹以這篇故事獻給每一個盡全力去愛的人。希望你們enjoy 以下這個癲癲地，又帶點甜蜜的奇幻旅程。