死後，我成為了地府的牛頭馬面: 6.8

「點解會係翠姐......」張龍擦擦眼睛，確保自己沒有看錯。

翠姐把素菜放在秀霞龕位前。

「我一直說服自己唔怪佢，但我根本做唔到，每次見到佢就忍唔住打佢......」陳有財搖搖頭嘆息。

「佢講咩野，成件事究竟係點......」張龍站在一旁，緊張得從未放開拳頭。

「阿財，你一直呃住個仔，已經好辛苦，唔係人人都接受到呢件事。」翠姐輕拍陳有財的肩膀，安撫著他。





「呢個秘密我地守左二十幾年啦，原來守秘密真係好辛苦。」陳有財苦笑了一下。

「當年龍仔少不懂事，秀霞都係為左救佢而衝出馬路，其實龍仔錯唔哂，話哂佢仲細。」翠姐一面無奈。

張龍整個人愣住，一面愕然。

「事實明明唔係咁樣......」

真相有很多，你選擇相信那個，那個就會是真相。





「佢地點可以係阿媽面前講大話！」張龍很快回過神來。

仇恨果然是凡人的推動力。

「一個係我最深愛既女人，另一個係我個仔，我可以點做？我根本唔識面對佢。二十幾年黎我除左打佢之外，就唔識同佢相處。」

暴力不能解決問題但卻是某些人的減壓方法。

「所以你連龍仔最有一面都唔見？」翠姐問道。





陳有財默不作聲。

「由秀霞過生一刻開始，我就唔知點面對佢，佢都唔會想見到我。」

此時張龍從暗角跑到陳有財與翠姐面前，牛頭馬面與一眾陰差連忙追趕。

但我們已經不害怕張龍，他的怨氣已經大大減少。

他憤怒的表情，兇狠的眼神，充血的拳頭源自於內心的恐懼。

內心對真相的恐懼。

就像刺豬遇敵時，為了保護自己而充起箭刺。