死後，我成為了地府的牛頭馬面: 9.3

「上天一切自有安排，就算比佢地救走亡者，呢班所謂既術士死後都要會自己所作既罪孽負責，我地何用擔心?」馬面不改其淡定本色。

「馬面大人非也非也，對於呢種作惡多端又用盡福報既人，比佢多係世上存活一日，就真係便宜左佢!我地擔心既係呢種人得唔到應有既懲罰!」華哥雖不如馬面氣定神閒，應不像其他陰差擔驚受怕。

政客不是留院觀察而是在家療養，箇中原因除了貪污之外，唯一解釋便與術士佈陣有關。
抵達大宅門外，由同行陰差仔細檢查是否安全，確保沒有任何符咒。

「鈴鈴……鈴鈴鈴。」甫踏足門內，掛置的風鈴竟然鈴鈴作響。

「大家小心!係道士既佈陣!佢地已經知道我地黎左!」華哥喊道。





馬面左右視察，而我則拿起鋼叉戒備，華哥則連同陰差探路。

「牛頭大哥，馬面大哥!我地發現左政客啦!」二樓傳來華哥的叫喊。

「入面一個人都冇啊!你地快d上黎!」

一個人也沒有?就連照顧病人的醫生與護士，或者是保鑣與傭人也沒有?這不是很奇怪嗎?

「咪住!牛頭你係到睇住佢!等我上去望清楚先!」馬面事事小心，是名符其實的穩重派。





倏忽，身後有陣陣陰風吹過，我猛地回頭一看，什麼也沒有。

突然又一陣陰風從我脖子略過，當我回頭一望，魂魄竟然不見!

只見兩位小朋友牽著魂魄雙手，垂下頭，發出陰森恐怖的笑聲。

那種刺耳的笑聲，令我感到不安。

「你地到底係咩人!膽敢劫走地府魂魄。」我手執鋼叉指向兩人。





兩人同時抬起頭來，一模一樣的容貌，一樣令人內心發寒的笑容。
「你唔需要知道，我地只係黎帶走爸爸。」兩位小孩同時以低沉而緩慢的聲音說道。

二人應是雙胞胎，而且怨念極重，修行應該不淺，法力有可能不在我之下，實不能大意。

「馬面大哥!有人劫走亡者!快黎幫手!」我大叫道。

小孩收起微笑，帶著魂魄奪門而出，所幸有兩位陰差早早把守門口，手執降威棒迎擊。