想食女基督徒?其實唔難: 29

"吓...?"我說。 

"你們心裡不要受攪擾,你們當信入神,也當信入我。約翰福音十四章一節"她說。 

"吓...?"我還是不明所意。 

"相信神,相信我,你絕對有能力去勝任依個角色"家恩師姐依然捉著我的手,並以
誠懇的眼神看著我道。 

"但係我..."我依然對自己很沒信心... 



"你一定得,我唔會睇錯人"師姐再一次大力緊握我的手,並鼓勵我道。 

"我真係可以咩...?"我還是十分猶豫。 

"可以!自從上次見到你係運動會努力跑步,甚至跑到暈低之前嗰一刻都唔肯放棄,我就知道你係一個意志堅定,努力認真嘅人。相信我,你絕對可以,你係一個比你自己想像中強更多嘅人" 

我一臉驚訝地看著家恩師姐,想不到她居然這麼留意我,甚至發掘到一些連我自己也不知道的優點,我被她這番話深深打動了... 

"好!我演!"我道,自信心膨漲到一個極點。 



師姐聽到我的話後,開心得眼內泛起微微淚光... 

"嗯...我地一齊努力..."她道。 

"嗯..."看著師姐開心得差不多想哭的樣子,我也不禁鼻頭一酸。 

相隔了一陣子,見師姐的表面已回復正常,便再度開口道"咁我今次要演嘅角色係...?" 

"樹"她說。 



"樹?"我有點愕然。 

"嗯,嚴格嚟講一棵古以色列松樹"她一面認真地說。 

"....."我沈默。 

她以嚴厲的語氣又道"唔好睇小樹依個角色,係話劇演出裡面,樹可以話係劇中嘅靈魂,出場嘅次數甚至比主角仲要多" 

"好吧..."我說。雖然我不相信樹是什麼劇中靈魂,但男人應承了別人的事,便一定要完成到底,這是我做人的第一大原則。 

家恩師姐再一次捉緊我的雙手,雙眼緊緊地凝視著我,並道"多謝你..." 

"小意思..."我說。 
但其實為了你,就算要上刀山,下油鍋,我也在所不辭...