想食女基督徒?其實唔難: 71

「喂，喂，死肥仔，你去邊啊？」張申瑤一面在背後跟隨著我，一面道。

但我卻沒有回頭，只是一直往著車站的方向走，不斷走，裝聾作啞，她說甚麼也扮作聽不見。

「你無無啦發咩脾氣啊？平時你都唔係咁嘅」她又道。

我依然沒有回頭，因為我跟自己說過，經過這次之後，便不會再理會她。

「唔好嬲啦，最多我請你食野吖」她拉著我的衣角道。



但任她怎麼拉，我也不會停下來，你可以說我小器，不是男人，但此刻我只想保護自己，不想再受到任何傷害，因為每個女人都是一樣，她們只懂用完即棄，張申瑤也不會是例外。

「喂啊，係咪咁小器啊，本小姐請你食野喎」她又道。

我依然繼續走，穿過了商場，並走到戶外廣場上，花園水池旁。

「喂...」她說

沒回頭。



「王浩銘！你同我企係度！！！」她突然大聲疾呼，並大力踏了一下地板。

在鐘樓底下，我終於停下來了，心中的怒火再也沒法平息。

她又道「你究竟嬲咩姐？」

我轉身走到她的身前，強忍著怒火道「我嬲咩？我而家係咪嬲咩都要你批准啊！」

她立即道「你咁樣同我講野？姐係咩都唔洗傾啦」



此刻我再也忍不住怒火，決定把心裏話全說出來...

「我已經唔係第一次叫你唔好再做依啲野喇，好危險嫁，我唔係次次都可以趕得切出嚟幫你嫁，但係你偏偏唔聽！！」我盯著她說。

說到這裡，她便開始眼泛淚光，雙眼通紅地凝視著我，默然了一會，才強忍著淚水道「你有問過我原因咩...？」

「我唔想知啊！總之依樣野就係唔啱！咩原因都係錯！！！」我大聲道。

接著她的眼淚便從眼眶內緩緩掉下，她哽著聲音道「我識嘅王浩銘，唔係咁嫁...」

我憤怒地盯著她，並道「因為我而家終於知道女人嘅真面目，你地只不過係喺度利用我！」

她低著頭，落著淚。

而我也控制不住自己的情緒，一滴眼淚沿著臉頰掉下...



「而你都係一樣...」我說。

鐘樓下，兩顆傷透了的心...