[人性] [感情事]我不會講你知，其實是第幾次: 背叛我嗎 (2)

呀健，我同樂仔既老死。 
高登仔既身高，陽光型男仔。 
其實我同佢唔算識左好耐，不過朋友既野，講緣份既。 
我同佢都算一見如故。 

點解Bobo會同呀健一齊架？佢頭先又話想抖下既！ 
但我決定睇定少少先諗下一步點做。 

Bobo同呀健坐左係我附近，為免佢地見到我，我唯有拎起份報紙扮睇。 
佢地態度比我想像中親暱，雖然冇拖手，但係旁人眼中一定會覺得佢地係情侶。 


Bobo食野既時候成日都好唔小心，今日都係。 
我見到呀健好溫柔咁幫佢擦咀，Bobo仲笑得好甜... 

點解會咁架？佢地幾時搭上架？ 
點解佢地咁熟我會唔知？ 
佢地究竟有幾多野瞞住我？ 

我忍住滿腔怒火，傷心咁走左出茶記。 
我實在唔能夠接受我自己既初戀女朋友同我最好既朋友咁親密。 



自己最相信既人，永遠係傷心自己最深既人。 
心痛，係因為自己在乎。 

其實我頭先大可以衝上去興師問罪。 
不過係未攪清楚成件事之前，我都唔願意相信。 

或者佢地只係咁岩撞到一齊食野？ 
或者呀健只係比較Gentleman先幫佢擦咀？ 
或者係我睇得件事太重？普通朋友食飯都好正常姐。 



為左攪清楚，我決定打俾呀健。