[人性] [感情事]我不會講你知，其實是第幾次: 再見了

打開雙眼，我頭痛到冇朋友。 

"我係邊呀?" 我望一望四周圍，原來我係自己張床上面。 
可能飲得太多既關係，我真係唔記得左我點解會番左黎屋企，仲要換埋衫。 

"你個衰仔醒喇咩？" 老豆打開我房門。 

"老豆，我幾時番黎架？" 

"死仔包自己幾時番黎都唔知架咩？晏晝有個女仔送你番黎，你嘔左幾次，臭到死。 


好心你放假就搵D正經野做下啦，飲到咁醉做乜呀？" 

"女仔？邊個黎架？我冇野呀。咁岩開心飲多左姐。" 

"呀大佬，你問番我個女仔係邊個？我點知呀。細細粒，幾靚女咁囉。 
開心？你個樣好似我死左咁喎。唉唔鬼理你，快D沖個涼食飯喇。" 

我心諗點解會有個女仔送我番黎，唔通係Bobo？ 
佢又知我係邊既？一定係樂仔個死仔講架啦。 
弊！樂仔！佢做過乜黎呀！ 



我拎起電話想打俾樂仔，電話就響喇。 
係Bobo... 

"喂？Hugo？你訓緊覺？我有D野想同你講呀..." Bobo 好冷靜。 

"BB你掛住我呀？你想我出黎搵你？" 我恨我自己扮到若無其事。 

"嗯，不如你落一落黎，我係你樓下。" 



我換件衫就落左街，見到Bobo一個人係到等我。 
佢著左條黑色緊身裙，Patpat包到實一實，居然仲著左高跟鞋。 
同佢拍拖咁耐都冇見過佢著到咁靚。 
我望住佢發呆，呢個時候佢見到我，就行埋黎我到。 

"Hugo，對唔住。"Bobo聲淚俱下。