[人性] [感情事]我不會講你知，其實是第幾次: 初次約會 (3)

食完飯，琪琪突然開口。 

"你陪我去買D野丫。" 

"好呀，買咩呀？" 

"結他。" 

"你識彈結他架咩？"我有少少驚訝。 



"唔係呀，呢排跟個朋友學緊。佢送左佢自己個結他俾我，我想買番個俾佢。" 

"哦，好呀。"我內心其實好想問佢係邊個。 

"咦，但係你唔係約左人咩？拎住個結他會唔會唔方便？" 

"係呀。我就係約左個個朋友，我順便俾個結他佢。" 

就係咁，同佢買完結他之後，琪琪就話要走喇。 
我同佢一齊行左去地鐵站，之後就目送佢落左月台。 


我地既初次約會就咁完左。 

係番屋企既途中，我不停諗究竟個個朋友係邊個呢。 
究竟係男定女呢？我決定番去之後向KARY埋手。 

番到屋企，樂仔就打黎喇。 

"喂，死仔。你係邊呀？唔係約左琪琪咩？" 

"係呀，番左屋企喇。" 



"咁早？！咁琪琪呢？" 

"佢約左朋友喎..."　 

"er...我諗我見到你個琪琪同佢個朋友..." 

"下？男定女黎架？" 

"男仔，你都識架。"