[人性] [感情事]我不會講你知，其實是第幾次: 前程錦繡

自從琪琪拍拖之後，我又過番平淡到核爆既生活。 
我好好彩，或者佢真係當我係呀哥，佢真係乜都會搵我傾。 
佢同條仔點SWEET啦，佢地鬧交啦，我都係會第一個知道。 
都好既，只要佢開心就得喇。 
我有時都會去佢課室搵佢。 
LAST DAY個日我死捉住佢影相，影到我滿意為止。 

正路我就應該努力爆SEED，準備會考既。 
不過我最叻係臨急抱佛腳，唔到考之前我都唔會溫書。 
結果？天才既我不過不失啦。 


不過已經唔能夠係原校升讀中六喇。 
亦即係意味住我唔可以再係學校見到琪琪喇。 
諗起真係有少少心UP。 

不過由另一個角度去諗，轉下新環境未嘗唔係一件好事。 
始終我兩段失敗既愛情都係係呢間學校既時候發生。 
其他人點？ 

樂仔同我同分，我地一齊去左另一間中學升學。 
呀健個賤人居然考得好好，原校升。 


太好喇已經唔洗成日見到佢。 
至於Bobo... 

有一日，我係街上面撞到佢。 

"咁岩既Hugo。"佢有少少尷尬。 

"Hi Bobo，最近，好嗎？"　我反而顯得比較大方。 

"都可以啦，我升唔到中六，屋企又有少少事，所以決定出黎做野。" 



"嗯，做野吸收經驗都好既。你同呀健點呀？" 

"我地分開左喇...不過我而家過得好好。我趕時間，遲D約你出黎傾計啦。" 

我答佢好呀，之後就繼續行。 

Bobo突然係後面叫住我: "對唔住呀。" 

我冇應佢，只係對佢笑左一笑，就繼續我既旅程喇。 

呢次，係我同Bobo分手後第一次對話。 

淡淡交會過　各不留下印