[人性] [感情事]我不會講你知，其實是第幾次: 樂仔與Candy

"嘩！Hugo哥！你琴晚做賊呀？" 樂仔揶揄我。 

"冇呀，好殘咩真係？" 我反問。 

"你個黑眼圈大過5蚊銀喇喎！你唔係好早訓架咩？" 

"琴晚傾左陣電話姐，所以夜左訓之嘛..." 

"你同邊個傾電話呀？ 你唔好答我男人呀死基佬。" 



"你就基。Stella之嘛。" 

"佢唔係冇搵你架咩？做咩隔咁耐先傾電話架？" 

我一五一十咁講左俾佢聽。 

"喂，咁幫我八樣野得唔得。 
幫我問下Stella同Candy熟唔熟丫。" 

Candy即係中五校花。 


丫，死仔，借我過橋。不過樂仔幫過我咁多次，我幫番佢好應該姐。 

就係咁，我約左Stella同Candy。 
呢個星期去碌Ling！ 

說時遲那時快，已經到左星期六朝早喇。 
我地一行4人約左係黃埔等。 
點解約碌Ling，因為樂仔碌Ling真係幾叻。 
佢擺明想借呢個機會表現下自己啦。 



去到保齡球場，我地就去左借鞋借波。 
樂仔呢個時候，竟然係袋入面拎哂佢D私伙野出黎。 
鞋啦，護腕啦，連私家波都有。 

呢個時候，Stella拉左我埋一邊。 

"嘩你個Friend好勁架？" 

"佢真係幾勁架。"我故意讚揚樂仔，等Stella係Candy面前美言幾句。 

我向樂仔打左個眼色。兄弟淨低落黎靠你自己喇。