[人性] [感情事]我不會講你知，其實是第幾次: 一百分女朋友

時間過得好快。 
除左樂仔已經追到candy之外， 
我同stella一齊左已經兩個月。 

呢兩個月，我先感受到被人愛俾人照顧係幾咁幸福既一件事。 
唔好睇stella外表係一個mk妹，但佢簡直入得廚房出得廳堂上得大床。 

呢兩個月以黎，我地因為同一間學校既緣故，好似糖痴豆咁形影不離。 
佢仲會整唔同既甜品呀，小食呀帶番學校俾我食。 
當然，我一拎出黎，就會俾班餓鬼同學搶哂黎食。 


最好既係stella係會上黎我屋企幫我做家務呀頂！ 

咁好既女朋友，去邊到搵？ 
佢簡直養到我肥左一個碼。 

而樂仔同candy都尚算甜蜜。我地間唔中都會四人行。 

stella同candy由於都係中五，所以後來佢地都放多左好多時間溫書。 
可能平時過慣飯來張口既生活，成個星期冇見過stella，我竟然掛住佢！ 



"bb 你溫緊咩呀？" 

"我溫緊中史呀，好煩呀。" 

"咁呀，你餓唔餓呀？" 

"餓呀我成日都冇食過野。不過冇時間喇..."　我就係知呢個衰妹唔食野。 

"屋企又冇人煮你食？"stella 屋企長期都冇人，其實我係明知故問。 



stella想開口，但咁岩有人禁門鐘。 

"咦有人搵你？你快d開門啦唔講喇拜拜。"我講完就收左佢線。 

stella打開門，有條友企係門外，拎住外賣。 

"小姐，外賣呀。" 

stella笑到見牙唔見眼，因為個外賣仔咪係我囉。