[人性] [感情事]我不會講你知，其實是第幾次: LAST DAY
明明有D事，俾我用木板強行釘住左係內心既深處。
點知而家突然俾樂仔粗暴扯番出黎。
Hugo呀Hugo，明明係你個死仔包自己話要好好對Stella架。
快D收番埋佢。
你最多同人傾下計好喇。嗯，就咁啦。
時鐘繼續轉。
感謝主，呢幾個月黎都冇乜大事發生。
話咁快又就黎去到中七既LAST DAY喇。
雖然我對呢間學校冇乜歸屬感，但係話哂都係中學生涯最後一日喎！
影下相就一定架喇。
基本上，今日大家都冇心機上堂架喇。
晏晝既時候，我一個人係學校周圍走，影下相，當係留個紀念囉。
當我落緊樓梯既時候，我見到一個背影。
呢個背影，我幾乎每日搭車都見住，我又點會唔熟悉。
係火車姐姐。
我估佢應該岩岩去完廁所，行緊番去課室。
我唔知痴左邊條根，拍左佢膊頭一下。
"Hello！你認唔認得我呀？"
"認得呀。日日搭火車都見到你同你朋友既。" 火車姐姐答得好爽快。
"哈哈，係呀。我叫Hugo呀。
咁岩我今日LAST DAY喇，你介唔介意同你影張相？"