[人性] [感情事]我不會講你知，其實是第幾次: Darren

由於Stella唔係太嚴重，第二日已經出左院。 

樂仔呢日又收到Hugo電話。 

"樂哥！！！小弟既終生幸福靠哂你喇！ 
你幫下我啦！！！" 

"唉你估我冇幫你咩？ 
我一早係咁同Candy講好說話啦。 
我都唔明點解佢咁堅決，連我都冇面比。 


我地都因為呢樣野嘈左幾次呀！ 　 
我再幫你問多佢一次啦..." 

樂仔好想幫Hugo，但無奈佢又唔可以做d乜。 

另一邊廂，Darren拎左一煲白粥，企左係Stella屋企樓下。 

"Stella？你而家方唔方便落一落黎呀？有野想俾你。" 

"嗯，好。" 



Stella著住套運動衫，應該係佢平時係屋企既服裝。 

"Darren你搵我咩事？"Stella睡眼惺惺。 

"冇呀，我見你岩岩先出院，煲左d粥俾你呀。" 

Stella有少少驚訝，佢估唔到Darren係一個咁細心既人。 

"多謝你。不過下次唔洗咁麻煩啦！我冇乜事喇！" Stella接住煲粥。 



"好小事姐！你快d好番就得！係呢，我有少少野想問你呀？" 

"嗯？" 

"你介唔介意我問你點解要跳海？" 

"我真係唔係跳海，我真係唔小心跌落去咋..." 

"嗯，明白。咁....你同你男朋友而家點呀？" 

"唔好提個衰人，我唔會到見佢。" 

"嗯，其實有d說話，我收埋係我心入面好耐。"