[人性] [感情事]我不會講你知，其實是第幾次: 真相

鏡頭轉番去Hugo既身在地。 

我收到Stella既信息，完全講唔到任何一句說話。 
冇可能，Stella唔會同我講分手架！ 
一定唔係佢。 
佢一直都係咁愛我，佢點捨得放低我？ 
我地都只係冷戰左一陣姐，點會咁快對我冇感情？ 

咪住，究竟Stella出左咩事？ 
點解冇人同我講架？ 


我決定，打番個個電話俾Stella。 

"喂？Stella。" 

"我係Stella家姐，佢行開左，你邊位搵佢？" 

"我係佢朋友，我見佢之前電話唔通，佢咁岩用呢個號碼sms我，所以我就打番黎試下。 

"你留低名同電話，我叫佢覆番你啦。" 



"好呀。" 

不過我心入面知道，如果Stella唔想理我， 
佢都係唔會搵番我。 
所以，我一定要係第二度入手。 

"點呀Hugo哥，我仲未搵到機會幫你呀。 
你都要俾少少時間我架？" 

"唔係呀唔係催你，我係想問Stella究竟出左乜野事？ 


佢而家同我講分手呀..." 

"唉，好啦我同你講佢發生咩事啦。 
你唔好話係我講架，佢唔想俾你知。" 

於是，樂仔就一五一十咁將Stella媽媽過左身，佢跌左落海，同埋Darren去探病既事講哂俾我聽。 

"呢幾個月既Stella低落到極點。 
而家就一直都冇係佢身邊出現過。 
俾我都失望啦。 
亦都係因為咁，Candy先至唔想幫你。 
至於個個男仔，我唔知佢地兩個咩關係。 
我就咁睇Stella對佢就冇乜野既。 
總之你好自為之啦。"