[人性] [感情事]我不會講你知，其實是第幾次: PRECAMP

八月初，天氣已經熱到不行。 

呢一日，係我第一次去PRECAMP。 
PRECAMP ，係俾一班新生去OCAMP前， 
互相認識一下。 

我被分配既一組，大概有二十人。 

"大家好，我係你地既組媽。 
我地唔好就咁介紹咁簡單，講完名之後講埋自己有冇拍拖呀！" 



"我叫Peter，er...A1。" 有個叫Peter既男仔介紹自己。 

"咩叫a1呀？"我問身邊既人。 

"A，即係Available；1，係拍拖既次數。"身邊既個位同學仔答我。 

"哦，原來係咁。" 

"我叫Carrie，a0" "大家好我係呀儀，都係a0" 



"Hi this is jessie, a zero" 

"而家既學生咁純情架咩？個個都係A0既？"我不禁懷疑。 

"你唔明架喇。A0通常會搶手d，佢地為左增加拍拖既機會， 
好多女仔都會話自己A0" 個位同學仔再解釋。 

"哦..."我心諗，拍拖有咩好隱瞞？ 



"我叫Ada，都係A0。大家多多指教。"我身邊個位同學仔原來叫Ada。 
佢仲同我打左個眼色，我諗係叫我唔好篤穿佢。 

"我叫Hugo。A2。" 
我突然諗起Bobo同Stella，唔知佢地點呢？ 

介紹完自己之後，就玩一d　破冰既遊戲。 
咩朱古力波彈彈波，出前一丁等等。 

全日既行程都係玩下唔同遊戲，跳下d奇奇怪怪既舞。 
可能由於我太慢熱既關係，我唔係太投入。 
呢個時候，Ada走過黎我到。 

"hey hugo，做咩咁悶咁既？" 



"唔係呀，天氣太熱姐。" 

"come on，過黎一齊玩啦，要hyper d！" 
講完之後Ada就拉左我一齊去玩。 
而家我先真正留意Ada個樣。 
佢個樣算係靚女，皮膚幾好，對眼好似識笑咁。 
不過d牙又少少唔太齊。 

我不禁係到諗，點解呢個女仔咁快咁投入？