[人性] [感情事]我不會講你知，其實是第幾次: Ada篇

"點解你覺得佢唔係一個好人？ 
我都叫見過佢幾次，佢都似係一心一意咁對Stella丫。" 

家姐擰頭，只係講左句 "女人既直覺"。 

不過，或者家姐太高估我喇。 
Stella對我恨之入骨， 
就算Darren係好係唔好，我都冇能力，亦冇資格去做d乜野。 

"嗯，雖然我都做唔到乜野。 


不過我地keep in touch啦家姐。" 

家姐走開左之後，Ada又走埋黎。 

"喂！你死喇你溝女？" 

我一臉無奈，我都廢事同佢解釋咁多。 

"做咩唔答我呀？你心虛呀？" 



"Ada姐，我溝唔溝女好似唔關你事架喎？" 
可能我語氣重左少少，但佢真係好煩呀！！！ 

"洗唔洗咁大聲呀！同你玩下姐！" 跟住佢就走左去。 

我先唔會追番佢。 
到左晏晝，開始玩一d組同組之間既遊戲。 
不幸地，我竟然成為左對面組既目標。 

"痴線！攪咩呀？"我鬧佢地。 


而係我望到Ada既一刻，我就明白係佢煽動人地咁做。 
正一八婆黎！不過好男不與女鬥。 
玩遊戲玩到身水身汗，我去左廁所清潔一下。 

一出到黎，就見到Ada。 
我連同佢講野都唔想，向住相反方向咁走。 
不過佢又走埋黎我到。