[人性] [感情事]我不會講你知，其實是第幾次: Ada篇(4)

我皺一皺眉。 

"sorry我聽個電話先。"我同火車姐姐講。 

"喂，點呀？"　我只係想盡快收線。 

"你係邊呀？" 

"尖沙咀食緊飯，做咩？" 



"喂岩喇！我地係諾士弗台呀！過黎啦！" 
又係叫我飲酒。點解佢地咁中意飲酒架？ 

"唔過呀，我食緊飯呀。" 

"過啦，我醉喇！你送我番去啦！"好明顯，佢扮緊野。 

"大把人爭住送你啦。"　不過真係真心話，佢個樣都厄到下人既。 

"救命呀救命呀！" 之後Ada就收左我線。 



"喂？Ada？" 我嘗試打番俾佢，不過唔通。 

"做咩呀？"火車姐姐問我。 

"冇事呀，有個朋友打俾我姐。"我諗，Ada唔會出事掛。 

"但你個樣變哂喎！愁眉深鎖咁。 
如果你有事可以走先架，我地都食完飯啦。" 
火車姐姐睇穿左我。 



我都唔明白，一個岩岩相識仲要咁煩既人， 
我點解要擔心佢。 

"嗯，我有個朋友可能有事，我想去搵搵佢。"我講真話。 

"咁你仲唔快d去！呢餐我請啦！ 
你快d走啦！我自己番去得架喇。"火車姐姐真係一個為人著想既女仔。 

我打左幾次俾Ada，不過都係唔通。 
於是，我就向諾士弗台出發。 

"唉，唯有盲中中咁搵佢啦！"