[人性] [感情事]我不會講你知，其實是第幾次: 朋友

"你個死咸濕仔！" Ada打我心口，不過冇推開我。 

"sorry，我唔想架。"我尷尬咁笑。 

"其實點解你頭先忍得住架？" 
我諗Ada一定好想知點解我咁都唔同佢上床。 
甚至佢會以為我係基。 

"因為你好冇魅力囉哈哈！" 
我當然知道因為我對佢冇興趣啦。 



"你夠膽講多次！你係咪想死？" Ada恐嚇我。 

"Ada小姐，因為你冇魅力呀！"我真係講多次。 

"去死啦去死啦！ 
你對我冇興趣，我都唔俾你對第二個有興趣呀！" 
呢個女人好陰毒！結果佢就係咁打小Hugo... 

"呀仔？" 突然有人敲門！我老媽子。 


仆街喇一定係玩得太大聲。 

"你快d喱入去被入面先！俾老媽子見到真係水洗都唔清呀！"我同Ada講。 

"老媽子，唔好意思，我嘈醒左你？" 

"你帶左人番黎？" 

"冇呀，頭先煲劇大聲左少少。" 



"早d訓啦！"老媽子望左一望我間房，就走左喇。 

我鬆左一口氣，叫番Ada出黎。 
但當我擰轉身個時，今次仆街鳥。 
我唔記得收埋Ada對Boot...