[人性] [感情事]我不會講你知，其實是第幾次: 暑假(3)

我見到一個大概廿幾歲，都幾青靚白淨既男人一個人行左入餐廳。
Ada一直注視住佢，視線冇離開過。

"Dada你識佢架? 眼定定咁望住人既?" 我問Ada。

唔知幾時開始我會叫佢Dada。

"嗯。" 佢好簡單應左我一句。

佢咁既反應一定有問題。當然我冇特別追問，我知ada會話我知咩事。


我地一段時間冇出過聲，淨係低頭食野。

"你記得我講過我個賤人ex嗎?" ada 淡淡咁講。

"嗯，似我個個嘛" 我講完後突然意識到d 野。

果然，ada用眼神示意，叫我望一望頭先個個男仔。
冇錯，佢就係ada個賤人ex。

"邊到似我呀，我靚仔好多囉。" 我專登講笑，想氹下ada 。



不過好明顯，佢神色好凝重，心事重重。
我地係一個好靜既環境下食完餐飯。
無論我點同佢講野，佢都只係簡單咁應我。

"走喇。" ada 明顯想快d 離開餐廳。

我地埋單之後，匆匆咁走左出餐廳。
出到門口既時候，我差少少撞到人。



"Sorry 。" 我下意識望一望個個人。
同我差唔多高，淡淡既妝，對眼好似識笑咁。佢仲係咁靚，不過已經少左個份mk味道。

呢個熟悉既面孔我永遠都唔會忘記。