[人性] [感情事]我不會講你知，其實是第幾次: 紋身既女孩 (6)

明明係你中意我。丫你又反客為主！好，我滿足下你啦。 

"係呀，我係中意你。"我一個懇樣咁講。 

"嗯，我都知架喇。" Rose當時係咁樣答我。 

下？即係點呀？同Rose相處有時真係要鬥智鬥力。 
經歷左咁多，你估我仲係當初個舊魚生咩？ 
雖然我認為表白真係冇乜用， 
但係我知道女仔都要少少面子既。 


正當我打算開口，Rose出聲截住左我。 

"Hugo，多謝你中意我。 
唉，我唔識揀呀？" Rose一臉苦惱咁講。 

"唔識揀？我唔明你意思。" 今次又點呀？ 

"係咁既。我對你都有好感，我覺得你都係一個好男仔。"　Rose停左一停。 

哈哈！第一次有人話我係好男仔！ 



"不過，我身邊其實有個追左我兩年既男仔喇。 
本來你未出現，我應承左佢聖誕前俾個答覆佢架。 
我諗住應承架喇，偏偏你又出現左。 
我....又好似中意你多d喎。 
你話我點揀喇？" 

出現了！即係原來我有情敵？ 
d女人幾時咁花心架？ 
兩個都想要？ 



"咁你咪隨心而行，揀個中意d既囉？" 
我都唔識點答佢，唯有黎個標準答案啦。 

"但係我問過朋友，佢地又覺得耐d個個誠意大d喎！" 
丫！好波，神又係你，鬼又係你。 
睇黎Rose平時份人係幾好，但感情上始乎太過唔決斷。 

Rose一個反客為主之後，我係呢場遊戲明顯處於被動。