[人性] [感情事]我不會講你知，其實是第幾次: 紋身既女孩 (9)

唔知你見到眼前呢一幕會點做？ 
我對腳完全郁唔到，硬班班咁企左係到。 
點解會咁架？ 
即係個個男仔真係佢男朋友？ 
既然冇野做到，我唯有番宿舍啦。 

番到去，我愈諗愈嬲。 
我再send多幾個sms俾Rose，都係冇覆。 
好，我就睇你點解釋。 
雖然我好想等Rose覆左我先訓， 


但係我實在太攰，好快就訓著左。 

張開眼已經係第二日既早上。 
我望一望電話，仲係冇覆我。 
屌！電話又唔通，message又唔覆？ 
想點呀究竟！我不自覺就諗到Rose同個男仔纏綿既情況。 
我既怒火即刻幾何級咁上升。 

就係咁，Rose好似突然消失左咁。 
直到第二日既晚上。 


佢終於覆番我。 

"Hugo？Sorry我放左你飛機。" 我完全感受唔到Rose有道歉既誠意。 

"你去左邊呀？電話又唔通？"　我強忍我既怒氣。 

"我電話冇電呀！我而家探緊婆婆，夜少少會番Hall。" 
我好想問佢咁琴晚呢？不過我冇。 

"咁點解我搵你會係個男仔覆我既？佢仲話係你BF。" 


我只係想知道佢地係咪一齊左。 

"個個我呀哥黎架。佢玩野咋。今晚再講啦！" 

你呀哥？你當我大埔lulu呀？ 
咁我個晚係你樓下見到乜野呀？ 
不過我冇講呢件事佢聽。 
我唔會再俾佢覺得我緊張佢。 

如果Rose話我知佢地一齊左， 
我或者都會冇咁嬲。 
但係佢選擇左再厄我。 

我諗，我要反擊。