[人性] [感情事]我不會講你知，其實是第幾次: 南丫島

轉個頭已經到左第二日既早上。 
我同Ada約左係中環等。 

"早晨呀Dada大人！小人已經為你準備好早餐架喇！" 
我送上早晨全餐。 

"你又知我未食早餐既？" Ada一臉驚奇。 

"識左你幾耐呀？你肯定又怕肥唔食野啦！"　我meet左佢面豬登一下。 



坐上左開往南丫島既船， 
我同Ada係船上有講有笑。 
睇黎佢已經唔再嬲我，我都放心好多。 

到左之後，我同Ada一路遊山玩水，吃喝玩樂。 
食完飯既時候，Ada慣性咁拎左錢出黎俾番我。 

"唔洗喇！今日我請你，當係同你賠罪啦。" 

"好啦！早知食多d啦！"Ada當然係講笑，佢同我食飯一直都會就住就住，唔平唔食。 



行下行下，我同Ada去左沙灘，坐左係到傾計。 

"Dada，你同你之前男朋友黎過呢到？" 
佢咁堅持想黎，我估呢個係最主要原因。 

"嗯，係呀。個陣時我又係同佢坐係呢個沙灘到。 
佢話過佢會一生一世咁愛我， 
會好好照顧我。 
佢話佢好有計劃，畢業之後就會同我結婚。 


我個陣真係信哂佢。 
佢又好浪漫，我記得個日佢準備左好多玫瑰花瓣， 
砌左個心心出黎，話送俾我。" 
Ada望住個海，平靜咁講。 

"咁識氹女仔呀！咁我乜都唔做咪同佢差好遠？" 

"你又唔係我男朋友！你為我做咁多我會驚架喎！"　Ada笑左一笑。 

"哈哈！你放心，我唔會整個心心俾你！ 
不過你合埋眼先好嗎？"