[人性] [感情事]我不會講你知，其實是第幾次: 出發！

幾經辛苦，我終於考完試。 
Sem break既來臨，就意味住我同Ada出發去日本喇！ 
由於呢次最係陪Ada遊覽番佢之前玩過既地方， 
加上我係第一次去日本， 
所以我都係打算跟住佢。 

check in，出境，登機，入境，好快我地就到左東京喇！ 
一切都算非常順利，我地搭左JR，好快就到左我地間酒店。 

入到房，嘩，間房好細呀！ 


不過都算乾淨，算啦，學生哥要平係咁架喇。 
下一個問題就係，點解係一張雙人床既？ 

"喂Dada，洗唔洗換房？" 

"點解要換房呀？" 

"冇，冇野。" 

由於當日機票酒店都係Ada負責， 


我都唔知佢會BOOK左雙人床。 
不過佢見到又冇出聲，應該係唔介意既。 
咦，咁呢４晚我地咪同床囉？ 

"喂！你諗緊乜野呀？叫左你幾聲都冇反應！" 

"冇呀，可能坐完飛機攰姐！好喇我地去邊呀第一站？" 

"東京鐵塔呀！" 



雖然我一直都唔識分東京鐵塔同巴黎鐵塔， 
不過呢D舉世聞名既地方，的確係要去下。