[人性] [感情事]我不會講你知，其實是第幾次: 聚舊

我約左樂仔係屋企附近既餐廳。 

"點呀樂哥，同Candy點呀？"我地寒暄一番。 

"都係咁啦，呢排大家都忙，見少左。 
你又點呀？做乜鬼去左偷情唔話我知？" 樂仔笑得好鬼衰格。 

"你都識講偷情啦話你知做乜。" 

"點呀，你究竟係FRIEND到可以同人地兩個去旅行， 


定係想溝人呀？"　佢個樣認真番少少。 

"一匹布咁長，總之我地而家一齊左啦。" 我唔打算慢慢解釋。 

"一齊左喇？請食飯啦！ 
不過一場兄弟我先問你，你放低左Stella喇咩？" 

"冇話放唔放低既。係呢，佢最近點呀？"　我都知我答左等如冇答。 

"都係既，你地開心就好。 


佢呀，聽講佢同個個Darren分左手， 
咩原因我就唔知，但係始乎Darren都唔係好人。 
而家好似同左另一個男仔一齊。" 

"點解唔係好人？你知道d咩呀？" 

"Candy唔肯講我知呀，淨係係咁鬧Darren。 
鬧鬧下連我都鬧埋，話男人冇個好人喎。"　樂仔攤攤手，表示唔清楚。 

佢講完之後，我真係好想知佢地之間發生左咩事！