[人性] [感情事]我不會講你知，其實是第幾次: 雙面人(2)

"下？唔係呀嗎？跟住呢？" 

我想像唔到一個男人，有Stella咁既女朋友， 
都仲要去搵援交妹？！ 

"我跟住佢去左九龍塘， 
我只係默默期待佢只係約左普通朋友。 
不過後黎我見到一個短裙女向佢走去， 
佢當街就搣人patpat... 
最後我睇住佢地入左酒店，我就完全絕望喇。" 



唔撚係呀嗎？佢有冇病架？ 
咁樣對Stella？！ 
呢一刻我面紅耳赤，出哂煙。 

"估唔到佢係咁既雙面人。 
你有冇蝕底俾佢呀？" 
呢樣係我最關心既話題之一。 
雖然我地已經分開左， 
但係如果知道左佢俾一個咁既人攪， 


我一定會嬲到爆炸。 

"有呀...不過唔係好密。 
其實佢仲有好多變態既要求架... 
個時覺得佢只係想有少少情趣， 
而家諗番起，我覺得佢只係當我係個d女人..." 

我雖然好想繼續問落去佢有乜野要求， 
但係我真係唔忍心係佢傷口上面曬鹽。 



"早d認清佢都好既。 
咁你點同軒仔一齊架？ 
我記得你地唔係好熟架咋喎。" 
我轉移話題。