[人性] [感情事]我不會講你知，其實是第幾次: 琪琪出沒 注意 (2)
當然，基本上我去見任何女人，
我都會俾Ada知。
"Dada豬！你做緊咩呀？
"我間唔中都會痴漢上身。 "死肉麻佬！你又有咩企圖呀？"Ada一野推開我
"冇呀！對你好d唔得架喎！" 睇黎我唔窒下佢唔安樂。
"哼！你扮野啦你！
點呀你又約左Stella呀？" 嘩嘩嘩，你毀人清白，我幾時"又"呀？
"唔係呀，我約左朋友姐。
其實都唔係約左，係我去接個朋友機姐。"
"去啦去啦，我咁岩都約左幾個靚仔呀
"佢一臉得戚。 "死妹釘！"
Ada就係咁，永遠都係咁大方可愛。
一星期後，香港國際機場。
"嘩！你真係黎接我機架？"琪琪見到我有少少驚訝。
"你又話你冇人接機既？"
"我講下之嘛！點知你會真係黎架姐！"
我同琪琪有講有笑。
而家既佢亭亭玉立，比起中學既時候，
別有一番風味。佢而家既打扮，
真係有少少偽abc既感覺。
我地一直都係閒話家常。
問下佢點解會同Philips分開呀，
又講下我同Ada既事俾佢聽咁。
比起以前，而家少左一份曖昧，
多左一份信任。
以前中學既回憶又再一次翻騰。
不過，Hugo呀Hugo，
你咁諗就仆街啦。