[人性] [感情事]我不會講你知，其實是第幾次: Dada自白篇 (8)
有一次，我同Hugo去左溜冰。
個傻仔咁大個人都唔識踩，
成日仆低真係好好笑。
於是我就教佢啦。
佢拖實我隻手呀！
其實我個心跳得好快，
我想呢個世界就咁停係呢一分鐘。
永遠唔好繼續。
踩完之後我地去左食飯。
我見到一個我好唔想見到既人。
我前度。我好想快d離開餐廳。
一踏出餐廳，Hugo竟然撞到Stella...
或者，我同hugo之間都永遠有d事唔會放得低。
或者就係咁，我地一日唔放低，都唔可能走埋一齊。
"頭先個個就係Stella？好靚女喎。
唔怪得你中個頭埋去啦。" 我問hugo。
點知佢一開口就窒我。
係，我知，我呢d俾人玩完既女人，
呢世都比唔上stella...
之後我地傾到我前度，Hugo就話帶我去個地方。
我地好快就到左下白泥。
"點解帶我黎呢到呀？" 我唔係好明白。
"同你睇日落囉！好靚架！" Hugo指住遠處既咸蛋黃。
"嗯，真係好靚。
多謝你，我知道你氹我開心所以帶我黎。"
"唔止係咁架。
呢到，係我同Stella定情既地方。
呢到對我黎講，有住唔可以忘記既回憶。
但係如果我要忘記Stella，我一定要有人去取代佢。
就正如你要忘記你個ex，你都一樣要有人取代佢既位置。"
點解呢個男人要對我咁好...
佢對我唔好我都可以死心丫...