[人性] [感情事]我不會講你知，其實是第幾次: Dada自白篇 (12)
我不停搵Hugo，
打俾佢又好，send message又好，佢都係冇覆我。
我好擔心佢有事呀...
呢個時候，hugo同琪琪既合照係我腦海閃過。
嗯，唔會架！
佢唔會背叛我。
直到第二日，我都係搵唔到佢...
我決定去佢屋企搵佢。
一定唔好出事呀！
上到去，我終於見到Hugo。
見到佢冇事我都安心哂。
我煲左d粥，送入去房俾hugo。
我覺得佢房瀰漫住一股香水既味道....
可能係我聞錯啦...
但係，過左一排，就證實左我冇錯...
我又收到個個神秘既message。
"我同你個hugo上左床喇。"
"夠喇你係咪痴線架？"
"信不信由你。"
"你究竟想點呀？"
"呢個男人以前明明好愛我，明明言聽計從。
點解而家要俾你霸住呀？
哈，不過上完床我又對佢冇興趣喇喎。
留番俾你啦。"
我忍左好耐，開頭我都仲好相信Hugo。
但係而家真係不得不懷疑佢。
我有諗過默默忍左佢就算。
但係去到有一日，我真係頂唔順喇。
再自己一個係到諗落去，
我諗我會痴線。
Hugo，求下你唔好同我前男友一樣，可以嗎？