[人性] [感情事]我不會講你知，其實是第幾次: 孤獨

"唔撚係呀嗎？你邊到聽番黎架？"我既第一個反應。 

"呢個世界好細架姐。我有個朋友都識Ada。 
佢知道我識你，佢就同我講有個男人追緊佢囉。" 

但即使係真既，我又可以點做？ 
我連Ada都聯絡唔到。 
一切都只能夠聽天由命喇。 
反正仲有一個學期我就會番香港，到時再算啦。 



係電腦前坐坐下，我不自覺諗番起以前既事。 
Bobo，琪琪，stella，火車姐姐，Ada... 
原來我生命中出現左咁多個女人， 
有人對我唔住，亦有我對唔住人。 
但偏偏冇人個留低係我身邊。 
究竟係天意，定係我自作孽？ 

我做錯既事好多，到我真正想Ada番黎我身邊， 
佢就已經離開左我。 
突然間我好想番香港，放棄所謂一年既承諾。 


十年人事幾番新， 
唔駛十年，半年都已經可以面目全非。 

如果Ada真係俾人追左，咁我點算呀？ 
我咁耐心咁等一年，如果我同Ada一齊唔到， 
咁呢一年仲有咩意義？ 

想搵人傾下計。打開電話contact，原來我真係冇乜幾個人岩傾。 
一個人流落異鄉(係，我知唔算流落)，原來真係幾孤獨。 



有心愛你卻愛不到　抱緊了你卻又未想終老 

我間中飲醉酒　很喜歡自由 
常犯錯愛說謊　但總會內疚 
遇過很多的損友　學到貪新厭舊 
亦欠過很多女人