[人性] [感情事]我不會講你知，其實是第幾次: 到此為止

接住落黎既日子， 
基本上我係煙酒不離手。 
每日唯一娛樂，就係聽歌。 
我走左一個星期既堂， 
因為有太多野要交，我死死氣地番學。 

我班同學見到我咁既樣，冇出聲都知道我出左事。 
突然間多左好多唔熟既同學關心我。 

" Hugo are you ok? you look bad..." Pory問我。 



我只係簡單咁同佢講我失戀。 
佢都係安慰下我，冇乜野可以做到。 
Stella同樂仔一得閒都會skype我， 
特別係佢地見到我愈黎愈人唔似人既時候。 

"攪錯呀你！男人老狗唔好咁既衰樣啦。 
你同我分手個陣都你都未咁樣啦！" Stella忍唔住鬧我。 

"喂，女人之嘛。你大把貨啦！唔洗咁喎兄弟。" 樂仔用男人既方法安慰我。 



我當然有嘗試搵Ada，不過都係一樣，搵佢唔到。 
直到我臨考試之前幾日。 
有個陌生既Skype Add我。 
Dada。 
真係Dada？！ 
我accept左之後即刻打過去，不過對方拒絕左。 
好快，對方就send左個message過黎。 

"Hugo，我知道左你近況。 


你唔洗咁樣架。 
緣淺就係緣淺，改變唔到。 
但唔該你做番個男人， 
唔好日日係到喊苦喊忽。 
咁樣，我只會睇你唔起。 
更加覺得你襯我唔起。 
你唔洗搵我，你知我唔會俾你搵到。 
我地到此為止啦。"