[人性] [感情事]我不會講你知，其實是第幾次: 回家　最好不過

我維持住行屍走肉既狀態，飯都冇食咁過左一段日子。 
不過頹廢歸頹廢，畢竟我唔可以走太多既堂。 
萬一畢唔到業，咁就仆街喇。 
我起身梳洗一下，望住鏡入面既自己。 
我同自己講，爭氣呀！ 
Ada講過，咁頹既我係唔charm架。 
我要努力吸引番佢。 
我理得佢同邊個一齊， 
只要佢心入面有我，我就有機會。 



時間過得好快，不知不覺已經5月， 
我考完試就可以番去香港，９月先再番黎交畢業論文。 

"Stella，我下星期就番黎喇..." 

"番黎咪好囉！我搵埋樂仔去接你機啦。" 

"嗯，我都準備左手信俾你地。" 

"咁好！咩黎架咩黎架？" 



"我幫你買左套性感內衣。" 

"去死啦你！" 

呢段日子，我總算正常番少少，識得講下笑。 
要番香港了，我回頭望一望呢個陪左我一年既城市。 
雖然有不捨，但始終我最愛既，都係係香港。 

"Pory同Pe打算玩到9月交埋功課先番去， 


佢地亦都有黎送我上巴士。 

"miss you Hugo...see you very soon na!" 
我同Pory同Pe擁抱過後，就上左開往希斯路機場既巴士。 
香港，我番黎喇。 
Ada，我番黎喇。