[人性] [感情事]我不會講你知，其實是第幾次: 與Stella重聚

Stella同樂仔約我今晚食飯， 
但係我實在好想陪下老媽子同老豆食飯。 
所以我同佢地講食完飯先出黎飲杯野傾下計。 

番到屋企，老媽子好似過年咁，煮左好多野食。 
雖然係我自己攞黎，但係我真係好耐冇食到咁飽咁滿足喇。 
可能因為今日搵到Ada，所以心情特別好。 
食完飯後，我就換衫準備出去。 

樂仔居然同我講Candy唔俾佢出去！ 


有冇攪錯！兄弟番黎都唔俾面？ 
佢話佢守緊行為喎。 
所以就得番我同Stella出去。 

"點呀你最近？仔仔呢？聽講你同軒仔分手之後又有新仔仔喎。" 
其實我有少少唔開心Stella換畫換得咁快。 

"er.....散左啦.....唔知點解個個都唔岩我咁。" 

"我都叫左你睇定d先揀架喇！咁心急做咩姐？ 


到時又蝕底俾人呀。" 

"你理得我姐...最蝕既都蝕左俾你啦。" 

"係喇我知係我責任喇。" 

"係囉！你不負責任呀你！當初又唔見你咁努力咁痴心追番我.... 
而家追番Ada就咁落力咁上心。" 

"當初你同Darren一齊嘛，咁我可以點姐。" 



我細心望一下，今日Stella既化妝同以前都幾唔同。 
又或者咁講，佢唔再係以前個個細路女。 

"喂，如果我話你聽，我由此至終都冇變過心， 
你會唔會放棄追番Ada而同番我一齊？" 

"咪玩啦！" 

"車，玩下都唔得，知你緊張Ada喇。"