[人性] [感情事]我不會講你知，其實是第幾次: 結局篇) 六
"下？做咩冇啦啦想去既？"我問Stella。
"我一直都好想去英國架啦。
不過如果你要同Ada去我就唔阻你地喇。
廢事做燈膽啦。"
呢d係咪叫天意呢？
Ada岩岩先同我講佢唔去，
而家Stella就話一齊去。
"佢唔得閒去呀...不過你同我去，孤男寡女你唔驚咩？"
"我信得過你啦。你可以對我做d咩姐？"佢細細聲咁問我。
"我...怕Ada誤會姐。"
"車，你唔可以同朋友去玩架咩？
同埋你唔講，我唔講咪得囉。"
我唔明白點解Stella會咁想去。
佢明明都知我同番Ada一齊架啦？
佢唔會想做第三者掛？
冇理由既！
Stella唔係咁既人，Hugo你自己賤格諗多左姐。
我腦海突然浮現因為琪琪而分開既個一幕。
"Stella，都係唔好喇。
我唔想有咩誤會呀。"