《亡命者》「選擇」「領袖」: 第十一章 訓練篇 ( 1 )
到左要返去報到嘅日子，我地十幾人都好早起身，樂兒佢地成班女仔就整早餐，我地幾個男仔係到執枱。
『有無人覺得我地生存到落去』平時串串貢嘅kinglam都認真地問
『我地都無得揀』肥巫低頭説
榮Sir望向我，我迴避佢嘅眼神，因為真係好gay。
『訓練左可能無咁易死呢』飛宏用半認真半搞笑咁講
『升職我真係無諗過，生存到返嚟就得』肥巫氣餒説
榮Sir又望住我。
『好啦下蔡國榮，你個眼神真係勁gay，你再望就打到你飛起！』
我啪手指準備打到佢飛起。
『榮哥哥』琪琪拎左碟煙肉出嚟説
『做咩呀琪琪』我收起拳頭，温柔地説
『我整嫁，試下好唔好食』琪琪拎起一片説
『唔，好食』我張口食下
班女仔整嘅早餐睇落好似幾好食，太陽蛋，煙肉，茄汁豆，加麵包，以佢地嘅煮嘢食經驗都算係可以接受，而我打算食個陣。
『我地要祈禱嫁家榮』馬嬲用温柔嘅聲講
我頂………
之後嘅十分鐘，都係馬嬲同詩詩忘我祈禱的時間，上至香港人的安全，下至為清潔姨姨搵唔家人嘅情況擔心，我偷望左右，坐我左邊嘅琪琪摸住個肚，傻氣的樣子似乎好肚餓，我右邊嘅樂兒都開始頂唔順，原本雙手緊握放在胸前真誠祈禱都放係大腿就算，連坐係我對面虔誠嘅madam poon都頂唔順，再咁祈落去真係唔知祈到何時何月先會完，所以我決定。
『讓我們背頌主禱文承認自己的罪，潔淨枱上的食物， 讓我們有充足的體力完成今日未知的挑戰，阿們』我以精簡同不失大體的方式完結，如果唔係真係沒完沒了
『阿們！』第一次所有人都咁齊心
當大家享受緊美味的早餐，我見到琪琪的嘴角有茄汁，下意識用手指抹咗佢。
『榮哥哥你地一定要返嚟呀』琪琪抬頭望住我説
『知啦琪琪，我地唔係到你要好好照顧自己』我用爸爸嘅語氣同琪琪講
係我拜託下，madam poon搵左佢嘅朋友照顧，重好似有個十歲嘅小朋友陪琪琪。
『琪琪，拎住佢』我比左對講機琪琪，頻道調到一個無人用嘅，之後用其他對講機調到嗰個頻道就可以同琪琪傾計
『多謝榮哥哥，最中意你』琪琪講完攬住我
。
。
。
。
我地一行人食完早餐執埋少量替換衣服同私人物品就去禮堂集合，唔少人都好迷惘，彷彿參軍好似一定會死，係到怨天怨地。
唔少軍人同車都係出面，似乎都係接我地去訓練，唔少學生都同家人相處最後嘅一啲時間，我一早同琪琪道別，但係見到呢個場景都開始掛住呢個小女孩，樂兒就一直拖住我，似乎都係掛住自己的屋企人。
『好啦唔好再浪費時間啦，快啲上車』朱逹明無情地説
我地十幾架軍車前往上水軍營，聽車上的軍人話上水軍營係上水區其中一個未被綠眼人攻佔嘅地方，所以係個到訓練前線嘅士兵，不過一路上都有少量槍聲，應該無乜綠眼人。
一路上，我架車都無人出聲，全車人都好沉重，連坐係我右邊嘅樂兒都係，唔講以為要去打仗。
『洗唔洗呀？訓練姐，又唔一定會死』我忍唔住講
『咁又無理由要我地好似去camp咁唱埋詩歌嫁』kinglam望住其他手震的學生
『kinglam講得有道理啦』飛宏安慰身邊的心姐説
『咁你地慢慢驚』我講完就閉目養神，右手拖着樂兒令佢無咁驚
短短二十分鐘嘅路程，我地到達左呢個軍營，呢到有個大型靶場，一個充滿障礙物嘅場地，一個大型操場，一個禮堂同埋兩座睡房，周圍有山圍住軍營，上面重有瞭望台同軍人站崗。
『男仔上一號營房，女仔上二號營房，床尾有軍服，換左佢，三十分鐘之後係操場集合』有個軍人講完就離開左
我地十幾人只好分成兩批人，男仔方面有我，飛宏，kinglam，肥巫同埋榮sir，而女仔方面就有樂兒，madam poon，兔仔，candy，心姐，南南，馬嬲同埋詩詩。
去到所謂嘅營房，就如電影一樣，一條直通道，兩邊都係碌架床，床頭有個櫃，我們排隊拎自己size的軍服。
我係鏡前望向着軍服嘅自己，無諗過同平時打wargame嘅自己有咁大差別。
飛宏同Kinglam都同我一樣，平時都有打wargame嘅習慣，而肥巫佢就未着過軍服，要我地三個幫手，條皮帶重要戴唔到爆左，要搵人後補條皮帶，蔡國榮條友巳經着好軍服係到等我地。
三十分鐘瞬間過去，我地係軍人嘅指導下企係自己嘅區域，三百幾人分成三批，一批係二十歲以上，訓練陣營指揮為主，提高小隊生存機會，一批全男班同一批全女班。
單係軍服檢查已經浪費咗一個鐘，唔少人連皮帶都扣唔好，要軍人幫手，有好多Mk仔又懶型唔拉鍊，被人罰掌上壓，我，飛宏，kinglam同肥巫都無被人罰。
。
。
。
。
烈日當空，三百幾人整齊企係操場，佢地雙手放後，雙腿同兩肩平排闊，成為一個稍息嘅姿勢，呢三百幾人已經稍息一個小時，唔少人都唔舒服，但係無軍人幫佢地，佢哋有人熱到暈左係到，終於有個身穿軍服嘅男人行上台。
佢身高目測一米八，健碩嘅身型合符教官嘅第一印象，右手手臂有燒傷嘅疤痕，兩眼擁有凌厲嘅眼神。
『我叫陳曉輝，今次好不幸要嚟教你班廢柴，你地有兩個選擇，一個係完成訓練出去成為強大嘅士兵，一係就係到等死！』佢以純正嘅廣東話對我地講
佢一路係人群中穿梭，直到其中一個人面前。
『你條廢柴叫咩名？！』