《亡命者》「選擇」「領袖」: 第二十三章 中學

鄭家榮同葉健豪來到上水官坐中學，卻發現正門上鎖。

二人只能騎住電單車到學校後門進入，但後門沒有鎖，長度足夠一架電單車經過。

入到學校後二人下車除頭盔落車，健豪檢查對講機的通訊，而鄭家榮就走到後門前把門關上同鎖上。

鄭家榮興奮説：『就等我地係到困獸鬥』

健豪看着他毫無反應，只是比對講機同耳機鄭家榮，後者無言接下。





健豪拿着飛刀等待，鄭家榮戴上耳機都拎散彈槍準備任務。

『我地兵分兩路，我上三至六樓，你係三樓以下』

健豪説完就自己直接潛行。

鄭家榮只能無奈拿著散彈槍四處檢查，首先檢查體育 ，首先檢查一定無人的體育室，一開門，無四腳獸，只有一大堆運動用品，同國際芳聖一樣。

唔同嘅係，呢到多一種運動，劍擊。





鄭家榮放下了散彈槍，拿起以前打劍擊練習的重劍，以前的回憶就在我腦海中一點一滴浮現。


教練拍手説：『鄭明凱比啲力！』

教練拍我膊頭説：『你有打劍擊嘅潛力，比心機！』

教練怒説：『鄭家榮，點解你唔跟我戰術去打！』
。
。




。
。
呢三年練劍的記憶都在我腦海中出現，我並沒有忘記曾經努力的痕跡，汗水，奮鬥和淚水。

但環境卻不容許我繼續回憶，我必須要完成任務。

體育室，安全，下一站，禮堂。

飯堂一目了然，一隻綠魔都無，而小食部啲食物都不翼而飛，男女厠理所當然都無人。

我踢開禮堂的門，右手打開大門燈，看見有六隻綠魔轉身，身穿校服的綠魔，一見到我就衝過來想食我。

我拿起散彈槍瞄准，有一隻已經去到三米的距離，我毫不猶豫向頭開槍。

『五十一隻』好耐無更新的數字





其他綠魔不理會同伴的死，踩著屍體向我跑來。

我亦老實不客氣地送他們一人一粒子彈。

『五十六隻』

我大嗌：『重有無呀？！出埋嚟啦！！』

雖然無回音，但係循例都要睇一睇，我慢慢行入去。

看著旁邊的歷任校長，Prefect同學生會會長，令我想起以前想做學生會會長可以黐個名上去，不過宜家做到校長都無用。

禮堂，安全，下一站，一樓教員室。





手持雙槍的我緩步而行，不過學校的設計樓梯轉彎位會有有鐵攔桿檔住，因為我地班前輩個個都係運動高手，一放學就會跳出學校去唱K溝女，唔跳由自可，一跳跳到跌係地下頭部受傷，家長問責，學校被逼加建鐵攔，不只，班房的窗口都一次過裝上鐵攔避免學生跳窗唔上堂。

或者我應該多謝以前話要安全個班家長，令到我宜家安全好多，但代價係讀左四年中學都好似拍監獄風雲咁，日日都要係圍欄中讀書。

究竟我哋係返學坐監，定係返學讀書

老實講，係少年軍學到嘅野重多過係學校。

我上到一樓走廊，無綠魔，我緩步走到一號教員室，看見以前可以叫老師出來的咪。

我手多按住説：『唔該，有無人呀？』

誰不知有綠魔的聲音，我連忙後退持槍戒備，有三隻綠魔出來，有一隻更加是我以前的訓導。

有咩正得過可以打訓導，就係打死訓導。





『食屎啦你！』

雖然唔知佢變左綠魔聽唔聽得明，但係我都要代表全港學生説出呢一句，但係有得殺，我會想殺教育局局長多啲，佢把老師的原則：用生命影響生命，改變為單純為左高收入而去教書，如果我宜家見佢，我會毫不猶豫一槍殺死佢，講遠左，返故事先。

我後退到一個安全的距離，馬上用雙槍開火。

三隻綠魔接連到地，不過用左六粒子彈，因為我送多三槍比訓導，以回報訓導四年嚟讀書的(照顧)。

槍聲令二號三號教員室的綠魔都聽見，連忙跑出來收禮物，我亦都老實唔客氣，像公子一樣一人一份禮物唔洗爭。

『六十八隻』

除左訓導呢條老屎忽重係到之外，其他變綠魔的老師都係我唔識，睇黎學校呢兩年都換左好多老師。





或者你會問點解我可以咁冷靜殺人都無驚。

比起食人的喪屍，我更怕睇唔透的人類

我係做好一切心理準備先拎起槍，與其俾人保護弱小的自己，倒不如自己做一個冷血的人拎起槍保護弱小的人。

殺人的罪惡，鮮血，一切就等我呢個領袖去承受

一樓教員室，安全，下一站，二樓六年級班房。

理論上中六個班應該唔洗再返學，但係都要去檢查。

我每間房都入去檢查，一隻綠魔都無，最後的壁報板上充滿學生的未來期望，計一計如果我無留班無離校宜家應該都有我個名係上面，我看著同學的期望，選一些讀出來。

『我要做DSE十科狀元，間間大學爭住要我』

『我要出人頭地，做個有錢人』

『我DSE考到十五分，我就同女神表白』

我讀出幾個同學的期望，行過去教師枱，拿出白紙和筆，寫上我的期望，係壁報板正中間用釘書機釘上轉身就離開繼續任務。
。
。
。
。
壁報板上寫上唔同同學的期望，同學用唔同的裝飾令紙色彩繽紛，充滿不同風格，而正中間有一張白紙，令色彩鮮艷的壁報板中現唯一一處白色，白紙上只寫上九個字。

「你地 一定要生存下去！」